American cozah ralkap pawl hna le a cozah ralkap sinak in a chuak cangmi (pension pekmi) ralkap vialte hna lak ah 10% tluk ah 6% tluk hna nih cun President Trump cu American ralkap Commander Chief ah an ruah peng. cun, American cozah ralkap hna nih cun Trump nih rian a t’uan mi hi American ram t’hatlo nak dingin a pel pawi te hmanh Trump nih a tuah mi a um lo.Trump nih a tuah mi vialte hna hi American ram le mipi hna t’hancho nak ding lawng te an si tiah an zumh.
American Census Bureau nih cun a cozah ralkap hna nih Trump hi American President a rak si hlan hrimhrim in mi tampi nih an rak uar cang caah kum 2018 Midterm Election ithim lio zongah khan Trump nih vote 100 tluk a neih mi ah 10% tluk cu American cozah ralkap sinak in a rian an din cangmi hna vote a si tiah a chim.cun, a tu lio American cozah ralkap hruaitu Senior Military Leaders 50% tluk hna nih cun Trump biatak tein an dirkamh.
Asinain 45% ralbawi tluk hna nih cun Trump cu nuclear hriamnam kongah an zum ve lo tiah an chim.cun, a tu lio ah Trump cozah a doh taktak tu hna Democrats chungtel hna lak ah minung 6 hna cu a cozah ralkap sinak in (pension pekmi) an si i,Democrats chung tel an si ko bu ah Trump cu biatak tein a t’anhtu ah an cang t’hiam rih tiah an chim.US Pew Research Center nih a chim ningah cun American ram mi tleirawl vialte hna lak ah hin Trump a cohlang duhlo mi hna cu 41% tluk lawnglawng an si tiah an chim.
American ram chungah phungning lo in luh a tim mi mipem le ralzam kongah Trump nih rian a t’uan cuahmah mi cu a cozah ralkap hna lak ah minung 100 tluk ah 58% tluk nih Trump cu an cohlan i,53% tluk nih Trump cu an soisel tiah an chim.
Source: BBC
