American Democrats Party Pawl Cu Trump Hmaiah Ningzak Taktak An Si Hoi Cang An Mit An Au Ngamti Hnga Maw?

American Trump cozah nih Iran ram kongah biatak tein rian a vun t’uan i Democrats party hruaitu hna le Republicans hruaitu hna chungin minung zei maw zat nih cun Trump rian t’uan ning cu an doh i,Trump nih Iran ram kongah mah bantuk hin rian a t’uan awk le hremnak a pek hna awk an si lo tiah Trump nawlngeihnak cu kham an timh peng tik ah,Trump nih Iran ram cu zei tik paoh ah a doh/kap kho dir hmun a si caah Trump nih Iran a kah lo nak dingin (Defense bill) ti mi cu votes lak nak an tuah.

Cun, Iran ram kongah Trump nih a nawlngaihnak hmanglo dingin votes lak dingah a cawlcang mi hna hi Democratic Senator Tim Kaine, Democratic Senator Tom Udall hna an si.mah hna pahnih nih an chim ningah cun Trump nih Iran a doh/kah taktak a si ah cun Middle East ram chungah ithah nawn nak chum mui a tlung lai i ram khat le ram khat karlak ah remdaihnak a um khoti lai lo.cucaah Trump nih Iran ram cungah rian a t’uan cuahmah mi hna hi a mak awk a si tiah votes cu an thlak.

American ram chung Senator minung 50 nih vote cu an vun thlak taktak tik ah Trump lei in votes 50 bak a tla i, Democratic party lei in votes 40 lawng a tlak tik ah Democratic nih Iran ram kongah zei hmanh Trump cu nawl an ngeih kho ti loh!Trump nih a mah nawlngaihnak hmangin a duh tik caan paoh ah Iran ram cu a kah/doh khawh cang. Democratic party hruaitu hna sin ah Trump nih a tuah ding mithil kongah theihternak zei hmanh a tuah a hau ti lo tiah an chim.

Cun, Democratic party pawl hna nih hin Trump nih foreign policy a hman mi cu an duhlo ruangah a lamkip in Trump cu doh an timh.hi konghe pehtlai in Senate Majority Leader Mitch McConnell nih cun Democratic pawl hna nih hin Trump nih kan ral a doh cuahmah lio ah Trump bawmchantu t’ha si lo in Trump rian t’uan nak kip ah an rak doh hi cu thil poi taktak a si tiah a chim.cun, Senate Democrat Chuck Schumer le Republican Senator Mitt Romney hna nih cun Iran ram cungah Trump nih hrimnam cu a hman awk lo,hriamnam lo in Iran cu doh khawh an si ko tiah an chim.

Source: CNN

Author: Salai Ephraim