American Nih A Rak Chim Cia Bantuk In Turkey Ram Cu A Hnawl Taktak Ko Cang Hih A Ho Dah Cei Deuh Lai?

Turkey cozah nih a ram humhim nak ding caah ti in Russia ram sermi S-400 hriamnam cawk a rak timh lio ah khan American nih cun Turkey sin ah hi Russia sermi hriamnam hi na cawk awk a si lai lo.na cawk a si ah cun American ram chungah na cozah ralkap hna raltuknak vanzuanglawng mongh a cawngmi hna hi kham an si lai tiah a rak chim. asinain Turkey nih hi thil tuah kan i timh mi hi biachahnak tuah cang mi a si caah a let kho kan si ti lo tiah a chim hnu in Russia sermi mi S-400 cu a cawk taktak cang.

Turkey cozah hi American nih a sermi US F-16 ngei kho dingmi hna ram 5 hna lak ah a tel ve mi a si ko na in American nih a cuh lo taktak mi thil a tuah ruangah American nih cu Turkey ram cu a hnawl t’han.a ngaingai tiah cun Turkey le American ram hna hi kum zei maw zat chung bak hriamnam konghe pehtlai in rian a t’uant’i mi an si cang.an pahnih rian t’uanti nak thawngin American hrambunh US company Lockheed Martin Aeronautics zong khi sermi a si tiah an chim.

 

Turkey nih a chim ningah cun American nih Russia sermi S-400 hriamnam a duh lo nak a ruang cu S-400 nih hin American F-35 stealth fighter hna cu fawite in a rawh khawh caah American nih hmun khat ah rian t’uanti a duh lo nak hi a si tiah an chim.R-400 hriamnam nih hin US F-35 hna cu a cah lo nak fawi te in a hmuh chuah khawh.cun American nih F-35 sernak caah Turkey hi biatak tein rian a rak t’uanpi mi a si.

 

American nih F-35 rian t’uan nak konghe pehtlai in a rian t’uanti cuahmah mi Turkey a chuah a si ah cun Turkey nih chawva tampi a rak thawh mi hna cu a lehrulh t’han a hauh lai pin ah Turkey bantuk in rian t’uanti awk a t’ha mi ram cu American nih a kawl zawk zawk a hau lai tiah an chim.American nih Turkey cu F-35 rian t’uan nak in a chuah pin ah F-35 ngei kho dingin ram nga thim mi hna lak in Turkey cu a chuah fawn caah US F-35 cu zei tik hmanh ah tawng khoti lo dingin Turkey cu hrem a si tiah an chim.

 

Source: BBC