American nih a cozah ralkap zei maw zat hna cun Afghanistan ram chungah ralhrang pawl hna vengtu dingah le a khamtu dingah a chiah mi hna cu an dih lak in lak t’han dingin biachahnak a tuah.American nih cun Afghanistan ram le Taliban hna nih an mah nawl in remdaihnak an ser a si ah cun Afghanistan ram chungah ka cozah ralkap minung 14,000 renglo ka chiah mi hna chungah 5,000 cu ka lak dih dingin biachahnak ka tuah cang tiah a chim.
American nih a cozah ralkap hna hi Afghanistan ram chungah minung 14,000 renglo a chiah hna.American Trump cozah nih cun,hi a ralkap a chiah mi hna hi 14,000 tluk ah minung 9,000 hna cu kan lak t’han hna lai tiah an rak chim bal cang.asinain hi kongah White House nih cun zei hmanh a chim lo tiah US media nih an chim.
American,State Department nih cun Afghanistan ram chung um mi US ralkap lak nak kongah zei hmanh mipi sin ah kan chim phuan mi zong a um rih lo tiah a chim.American cozah ralkap kongah State Department hi nawl ngeihnak sang cem a ngeimi a si.
State Department nih a chim ningah cun Afghanistan ram chungah US ralkap minung 14,000 kan chiah mi hna kongah Afghanistan cozah sining hoih in a herh ning paoh in um kalter dingin biachahnak kan ngeih mi cu a si tiah an chim.hi kongah Pentagon le State Department hruaitu hna karlak sining zei hmanh a fiangmi a um rih lo.
Source: BBC
