American nih China ram chuak a ram chungah a luhter man ngunkhuai cu a let bak in ka lak t’han lai tiah biatak tein a rak chim len na in.American nih a chim ning bantuk tein a tu tiang cu China ram cungah a tuah ngam taktak rih lo.hi konghe pehtlai in American nih thawngzamhnak a tuah t’han mi cu American nih China cungah an ngunkhuai man a let in lak dingah biachahnak a tuah cangmi cu kalpi/pehzulh rihlo dingin hnawl t’han a si tiah a chim.
Cun,American nih China ram sin ah ngunkhuai man tampi in lak t’han dingmi kongah biachahnak rak ngeih cang a si na in American ram chungah taksa ngandamnak lei le thil dangdang dawmkhantu tampi a um rih ruangah a cozah nih cun December thla tiang cu,cuhlan ning tein China cu ngunkhuai lak rih a si lai.American nih China ram cungah ngunkhuai a lak mi cu fangkhat hmanh kariter a si lai lo tiah an chim.
American national security hruaitu hna nih an chim ningah cun American nih China ram in an ram chungah a rak lut mi thilri hna ngunkhuai man kaiter a timh mi hna chungah hin mobile phone, laptop, video game console,toy,computer monitor hna le hnipuan man pawl hna an si tiah an chim.asinain American cozah nih hi kongah biachahnak a tuah cang hnu ah ngunkhuai man lak t’han rih lo dingin thawngzamhnak a tuah mi cu United States Trade Representative office rian t’uantu hna zong an khuaruah a har tiah an chim.
America president Donald Trump nih cun China ngunkhuai lak nak kongah hi tibantuk in ruahnak dang kan hman nak a ruang cu zei dang thil ruangah si lo in X.mass lai a si cang i American ram chung mipi hna nih harsatnak an tong sual lai ti kan phan caah a si tiah a chim.cun, China Ministry of Commerce Vice Premier Liu He le US trade official pawl hna cu phone in an i chawn i cu hnu ah America nih hi tibantuk in thawngzamhnak a tuah hi a si tiah an chim.
Source: BBC
