China cozah nih South China Sea rili ah Missile bomb a neih mi cu hneksak nak a tuah t’han ruangah American cozah nih cun China hi midang zawn ruahnak lungthin a nei bak lo mi ram le a mah zawn lawng a ruat mi ram a si tiah a soisel t’han.China cozah nih cun South China Sea rili cu a mah ta lawng bak ah a ruah i ram dang mi hna le a ram inn pa pawl hna nih an pal khawh lo nak hmun a ser i,cucu para a kham kanh diam hna pin ah hi hmun a pal i a lam ngam mi paoh cu kah nan si lai tiah China nih a chim.
Cun, China cozah nih hin South China Sea rili ah hrimnam tampi a ser pin ah a cozah ralkap ( military drill ) zong a nei i,cu military drill hmun a khuar nak velchum hna cu mi zei hmanh nih pal lo dingin para a kham kanh hna.cu ka hmun cu a ram inn pa hna le ram dang khual tlawng lamle mi hna nih an pal kai nak hmun le pal lo awk a t’hat lo nak hmun lai bak an si fawn.cun,a duh tik caan paoh ah a hriamnam t’ihnung hna cu hneksak nak a tuah i a ram inn pa hna cu lau leng mang in a tuah hna.
Amah belte American cozah nih a tutan ah China cozah cu a mah zawn lawng a ruat i midang zawn ruah nak lungthin a pu kho lo mi ram an si tiah a chim mi hna hi,China cozah nih zei hmanh leh nak le fianter nak a tuah duh lo i dai zerzuar pi in a um ter tiah an chim.China cozah nih South China Sea rili ah military drill a tuah mi le a mah ta bantuk in a hum hak mi cu a ram inn pa vialte hna nih an duh lo i South China Sea rili kongah nawl ngeihnak kan nei dih ve tiah an chim.
A bik in China ram inn pa a si mi hna Taiwan, Philippines, Brunei, Malaysia, Vietnam ram hna nih cun China cozah nih South China Sea rili cu kei mah ta tiphun in a humhak peng ding a si ah cun South China Sea rili konghe pehtlai in phunghram thar kan ser lai i South China Sea rili cu kan i cheu dih awk a si lai tiah an chim.asinain China cozah nih cun South China Sea rili, artificial island tilkulh khua ah a cozah ralkap hmun hma t’ha taktak i a dirh.cun China cozah nih South China Sea he a pehtlai mi Spratly rili le Paracel rili ah cun mi zei hmanh nih ninga chung bak pal lo dingin Para a kham t’han rih hoi tiah an chim.
Source: BBC
