American ram nih cun Intermediate-Range Nuclear Forces rian t’uan nak in kan nih cun kan chuak cang tiah a chim.hi konghe pehtlai in American nih Intermediate-Range Nuclear Forces rian t’uan nak in a chuah tak mi hna ruangah hin vawlei cung ram dangdang hna nih a thli in hriamnam an ser/chuah nak kongah an lam a kau ngaingai cang lai.cu hlan i hriamnam ser a duh ko na in (INF) rian t’uan nak an t’ih ruangah a rak zei hmanh tuah ngamlo i a ram um mi pawl hna a thar in thawh t’han khawh an si tiah an chim.
American le a rian t’uanti hawi NATO ram vialte hna nih cun Russia nih cruise missile hriamnam a ser ruangah (INF) phunghram an buar tiah faklak in an rak soisel bal cang hna.asinain Russia nih cun cruise missile ka ser mi kongah tehte a hmu mi hna nih cun rak ka piah tuah uh a ti tik hna ah mi zei hmanh nih tehte felfai mi an hmu lo.
Cu hnu ah NATO ram zei maw zat hna cu Russia nih thamnak a pek hna caah Russia cu an rak dirkhamh t’han.Russia nih hin t’ihnung taktak mi 9M729 missile hriamnam zong a ser cang.US Secretary of State Mike Pompeo nih cun American nih Intermediate-Range Nuclear Forces rian t’uan nak in a chuah nak ah Russia nih mawh a phurh awk a si lai tiah a chim.
Zeicatiah cun Intermediate-Range Nuclear Forces rian t’uan nak a buaiter tu hi Russia an si.cucaah Russia ruangah American cu Intermediate-Range Nuclear Forces rian t’uan nak in kan chuah nak cu a si tiah a chim.Russia foreign ministry nih cun a tutan i American nih Intermediate-Range Nuclear Forces rian t’uan nak a chuah hi a hlan lio thil ruangah a si.cu hlan ah cun Russia nih a thli in hrimnam cu a rak sermi a um ko.asinain cu thil hna cu Russia nih zei hmanh a tuah mi a um ti lo.a tutan American nih a thil tuah mi kongah Russia ram itel nak zei hmanh kan ngeilo tiah a chim cawlh ve.
Source: BBC