American Nih Iran Cu Teirul Cham Hram A Thok Iran Drone Khulak In A Kah Piak Taktak Cang

American President Donald Trump nih cun ruahlo pi ah a cozah ralkap Persian Gulf le Gulf of Oman rili karlak a si mi strait of hormuz rili ah a chiah mi hna US Navy pawl hna nih cun Iran nih drone cu an kah piak hna tiah a chim.cun, American cozah ralkap hna nih hi tibantuk in Iran drone an kah piak nak hna a ruang cu US, USS Boxer assault ship pawng teah Iran nih a ngeihmi a drone cu a rak zuar ter ruangah an kah mi hi a si tiah a chim.

Cun, hi konghe pehtlai in US Navy nih cun Iran drone nih hin USS Boxer assault ship tilawng cu metter 1,000 hrawng in a kan neih pin ah neih cuahmah a kan timh i,cu ruangah cun mah pum ralvennak caah kan rak kah mitu a si tiah an chim.asinain Iran nih cun American nih ka thil sei hmanh a kah in a rawh mi a um loh tiah a chim.

Cun, Iran nih cun American nih hi bia a chim mi cu lih a si,zeicahtiah Iran nih kan ngeihmi Iran drone hna cu an dih lak tein him tein an um dih ko a rawk mi le a tlau mi pakhat hmanh an um lo.American nih a mah le a mah a kah biatu a si lai.zeicahtiah cucu thil um kho mi a si ko Iran nih kan ngeihmi Iran drone hna cu an tling dih ko tiah Iran deputy foreign minister Abbas Araghchi nih a chim.

Cun, Iran ram chungah Oil fir a timtu foreign tanke le a chungah rian t’uanmi minung 12 kan tleih hna tiah a chim fawn.Trump nih Iran drone kan kah piak hna tiah a chim nak hmun hma bak ah hin kan hnu lei ah Iran nih US drone a kah piak hna nak hmun kha a si.

Source: BBC