American Trump cozah nih nih cun Iran nih a thil tuahmi ka palh a ti khawh hlan chung paoh cu Iran ram cu hrem in a um lai tiah a chim.cun, American nih a chim ning bantuk te in Iran ram chungah cun harsat nak a phung phung in a phan ter taktak.hi konghe pehtlai in Iran cozah nih cun American nih a duh tawk in Iran ram chungah harsatnak phanh ter hmanh sehlaw,Iran cozah cu a zei ti hmanh in a hrem kho lai lo.Iran mipi zei sual nak a ngeilo mitu a hrem deuh hna tiah a chim.
Asinain American nih cun Iran ram cungah pehzulh in harsat nak cu a tlunter cuahmah caah Iran nih a celhti lo i a si lai cu.tuchun ah Iran president Hassan Rou hani nih cun a kam a phau cang! American nih Iran ram chungah harsat nak le buaibainak a tlunter mi hna hi a mah a si ah cun Iran nih American cozah he remdaihnak ser dingin timhcia kan si cang tiah a chim vuaimai ko cang.
Asinain Iran nih a duhnak ah cun American caah thil a si kho bak lo dingmi a chim mi a um.cucu American cozah nih kum 2015 lio ah Iran nuclear deal a rak tuah mi in Iran he an i pehtleihnak vialte a peh t’han i,Iran nuclear deal a chah mi a peh t’han a si ah cun zei tik caan paoh ah si seh,khua zei ka hmun paoh ah siseh,American cozah he remdaihnak ser dingin Iran cu timhcia kan si tiah a chim.
Cun, Iran nih cun American nih Kum 2015 Iran nuclear deal in a chuah ruangah Iran nih rian t’uan ding tampi hma a lak cuahmah mi pehzulh lo in a mak tak mi tampi an um tiah a chim.Asinain Iran nih hi bia a chim mi kongah American nih zei bia hmanh a leh mi a um rih lo.Iran nuclear deal konghe pehtlai in Joint Comprehensive Plan of Action nih kum 2015 lio ah khan Iran, US, France, Britain, Germany, China ,Russia hna nih fian rial tein Austria ram chung khuapi a si mi Vienna khuapi chungah namnehnak an rak tuah mi a si.
Source: BBC
