American cozah nih a rian t’uan ning le tuah a timh mi record/document vialte hna cu China cozah nih fawi tein a rak neih.hi konghe pehtlai in US Justice Depart ment nih dothlatnak an vun tuah tik ah cun an mah chungah rian t’uantu US diplomat Candace Marie Clairborne nih a thli in a cozah rian t’uan nak record/document vialte hna cu China cozah sin ah US dollar zei maw zat in a rak zuar tiah an chim.
US diplomat Candace Marie Clairborne nih a cozah rian t’uan ning vialte record t’ial nak Ca China cozah sin ah a zuar mi hi American nih ram khat le ram khat karlak ah rian t’uan a timh mi lawng si lo in plan a suaimi vialte hna zong a tel chih tiah an chim.US diplomat Candace Marie Clairborne le Chinese intelligence agent pawl hna cu a thli tein i pehtleihnak an rak nei i cu ruangah hi tibantuk in a zuar khawh mi hi a si tiah an chim.
US diplomat Candace Marie Clairborne hi Beijing Department of State office management office specialist rian a t’uan cuahmah lio mi a si.kum 2007 lio khan China Ministry of State Security agent pawl hna he a thli in ipehtleihnak an rak tuah mi a si tiah US Justice Department nih cun a chim.a mah belte Candace Marie Clairborne nih American cozah record/document a zuarmi man cu Justice Department nih a langhter lo.
Candace Marie Clairborne kongah US Justice Department nih cun Candace Marie Clairborne nih hi thil a tuah ruangah thla 40 thonginn ah khua caan rel dingin biachahnak a tuah piak pin ah phaisa US dollar 40,000 cawiter dingin biachah nak a tuah piak tiah an chim.
Source: BBC