Kan chim cia bang khan American president Donald Trump cu Japan ram ah G-20 Summit a tuah dih in ruahlo pi ah North-South Korea ramri ah Kim Jong Un he kut tleih nak an nei kho.cun, Kim Jong Un nih North Korea ram chungah minutes zei maw zat chung cu a luhpi i hmun khat teah kut i tleih nak an tuah.Trump nih North Korea ram ka lamh khawh mi cu ka lawm ti lo in “excellent” thil t’ha ngai a si tiah a chim.
Cu hnu ah South Korea president Moon Jae In nih cun Trump le Ivanka le Jared Kushner hna cu South Korea khuapi Seoul khuapi chungah i hawi komh nak a neihpi i,Seoul khuapi chungah cun Korea ram chung minthang K-pop boy band EXO pawl hna nih khat t’hup in an rak don hna pin ah ringawn dawh dawh hna le hla dawhdawh an sak piak hna tiah an chim.
US Ambassador to South Korea Harry Harris le bang nih cun a lung hmuih tuk ah cu ti bantuk in Seoul khuapi ah Korea minthang K-pop boy band EXO pawl hna nih khat t’hup in an rak don hna nak le ring-awn dawhdawh an tum piak lio hna an hmanthlak pawl hna cu Twitter ah a tar lulh tiah an chim.cun,Trump le a fa le pahnih hna cu South Korea Blue House ah a va kalpi hna i lungduh biaruahnak zong caan sau nawn an nei kho tiah an chim.
Cun,Trump nih South Korea ram chungah an cawlcangh nak vialte hna cu t’epphel in copy a tuah ter hna i cu t’epphel copy mi cu laksawng ah an pek tiah an chim.
Credit: MWN