American President Trump Le Barack Obama Karlak Ah Ralpi A Tho Ding Dirhmun An Phan

Kum 2016 lio i US Presidential Election ithimnak an rak tuahnak kongah AG William P.Barr nih cun Barack Obama Admin pawl hna cu ramngiatu(SPY) an si ti ruangah Barack Obama le a Admin pawl hna cu biatak tein dothlatnak an tuah cuahmah hna.hi thil konghe pehtlai in American Intelligence Community hruaitu pawl hna nih cun Trump sin ah hi thil hi a ran nak in dothlatnak nan tuah khawh nak dingah kan in bawmh hna lai tiah anchimh.

 

Trump sin ah Barack Obama le a Admin pawl kongah mah bantuk bia a chimtu hna hi US Intelligence Community chungtel 7 Cabinet Directors pawl hna an si tiah an chim.cun Special Counsel Mueller Team pawl hna nih Donald Trump cu Russia he rian t’uanti nak an nei ko tiah kum 2 chung bak Trump cu dothlatnak an rak tuah cang na in zei hmanh hmuh chuahmi an nei hraw lo.

 

Cun a tu ah Trump Admin pawl hna nih Barack Obama le a Admin pawl hna cu biatak tein an kherhlai ve hna.AG William P.Barr nih cun hi thil kongah US Attorney John Durham cu t’uanvo a lak i a ran nak in Barack Obama le a Admin hna nih zei thil sual dah an tuah ti cu na hmuh awk a si lai tiah a chimh ning bantuk tein rian cu t’uan cuahmah a si.

Cun FBI Director Christopher Wray le National Intelligence Agency Dan Cotes hna nih cun Barack Obama le a Admin pawl hna thil sual tuahmi cu fiang tein kan hmuh cang i tehte zong kan nei cang tiah an chim.asinain Trump nih hi thil a tuah mi cu US House member chungin minung 25 le Pi. Nancy Pelosi hovin nih cun Trump nih a tuahmi hi a mak awk a si tiah an kham cuahmah ve tiah an chim.

 

Source: CNN

Author: Salai Ephraim