American President Trump Nih Democratic Nu Pa 4 A Thawl Mi Hna Hi A Palh Sual Kho Bak Cang

Nizan,White House Inn rangpi chungah Cabinet meeting an tuah nak bak ah President Donald Trump nih cun Democratic chungtel Nu minung pa 4 hna cu, hi Cabinet meeting in an chuah ah a t’ha deuh lai tiah a chim.cu pin ah Cabinet meeting in an chuah lawng hmanh si lo in an pa 4 ning tein an mah le chuah nak ram ah an kir ah a t’ha lai tiah a chim fawn.Trump nih mah ti bantuk in a t’hawl mi hna hi,”Alexandria Ocasio-Cortez of New York, Rashida Tlaib of Michigan, Ilhan Omar of Minnesota and Ayanna Pressley of Massachusetts” hna an si.

 

Cun, Democratic chungtel Nu minung pa 4 hna lak ah hin minung pathum hna hi cu American ram chung chuak bak an si.cun midang minung pakhat zong hi Amerian ram mi sinak citizens t’ha tein a hmu cang mi a si tik ah Democratic hna nih cun a thar bak in President Donald Trump cu sual an phawt t’han i biatak tein an soisel t’han.Democratic pawl hna nih cun American ram hi President Donald Trump ta a si lo.cun, Congress party zong hi a mah ta a si loh tiah an phomh.

Cun, Trump nih a den mi hna Nu minung pa 4 hna hi US House of Representatives chungtel ah House Democrats in”TOP” ah an chiah mi hna an si fawn tiah an chim.Trump nih Democratic chungtel Nu minung pa 4 hna konghe pehtlai in a biachim mi a lak t’han lo a si ah cun American ram le Israel ram i pehtleihnak tiangin a rawk kho.a bik in American ram chung um Jadah miphun pawl hna ko ah thil t’ha lo a chuak kho tiah an chim.

Biachap; US Democrats House Chungtel Minung 80 Bak Nih Trump Cu A Kong An Ceih Piak Cang Lai

American President Trump le Russia ram i pehtleihnak konghe pehtlai in dothlatnak a tuahtu House of Judiciary & Intelligence Special Counsel Robert S. Mueller cu a ra lai mi July 17 ah khin biahalnak tuah dingin Democrats House chungtel minung 80 nih an kawh tiah an chim.Democrats hruaitu pawl hna nih an ruah nak ah cun Trump nih thil sual a tuah hrimhrim ko na in Special Counsel Robert S. Mueller nih a pheh piak ruangah a si lai tiah an zumh.

 

Cun, a bik in Democrats pawl hna nih cun Special Counsel Robert S. Mueller nih Trump le Russiagate konghe pehtlai in dothlatnak a tuah mi vialte chungah Ca hmai number 448 nak cu hrilhfiahnak a tuah t’han lai pin ah hi chungin kan duh nak paoh kan hal t’han lai tiah an chim.cun,President Bush le President Obama term lio zongah a tu bantuk in FBI Director Mueller nih bia a chim lio cu felfai taktak in House of Judiciary nih an rak bihzoh bal cang tiah an chim.

 

Trump konghe pehtlai in FBI Director Mueller nih cuhlan a biachim ning tein Trump sualnak ka hmu lo tiah a chim peng a si ah cun President Bush le President Obama lio ah bia a rak i chim sual mi ci chirhchan in Democrats pawl hna nih cun FBI Director Mueller zong foih an timh tiah a chim mi hna zong an um ve.cun, Judiciary & Intelligence chung tel Republican Steve Chabot nih cun Democrats pawl hna an cawlcangh len mi hna hi sullam neilo men an si.Trump nih tuah sual mi zei hmanh a nei lo tiah a chim.

Democrats hruaitu pawl hna nih hi tibantuk in thil an tuahmi hi a ngaingai kan ti ah cun Trump an t’ih ruangtu a si deuh.zeicahtiah 2020 US ithimnak konghe pehtlai in Trump vote a petu dingah lak piak le va cuhkalh an i timh biatu a si deuh tiah Republican Steve Chabot nih a chim.Speaker Nancy Pelosi nih cun July 17 ni le caan khi cu Trump caah cun chung sivang le lutaw thei lo in a um ni a si lai tiah a chim.

Source: Washington Post