American president Donald Trump nih cun American ram chungah mipem sabaa le ralzam an lut kho ding mi hna cu a nurhin nak in zungthiamnak thil pakhat khat a nei mi a si lo hmanh ah t’hathnemnak pakhat khat a neih a hau lai.cun zei bantuk rian a t’uan le a tuah hmanh ah dinfelnak in a rian a daw mi a si lai.cu bantuk mipem sabaa le ralzam hna caah cun a thar in rian t’uan cuahmah a si tiah Trump nih a chim.
Cun White House nih mipem sabaa le ralzam hna kongah a chim ningah cun a tu hnu thawk cun American nih mipem sabaa le ralzam a lak dingmi hna cu Nu le Pa,Nupi le Pasal,thisen tlai Unau hna nak in kum tling a si cangmi hna Cathiam le Mirang Ca duhtawk in a holh kho mi le a rel kho mi hnatu hi a bik in lak an si cang lai tiah a chim fawn.
Trump nih cu bantuk ralzam le mipem sabaa hna caah cun zei tik paoh ah American ram nih cun Inn ka awk piak khawh peng kan i zuam lai tiah a chim fawn.
Asinain Trump ralzam le mipem sabaa hna kongah a chim mi cu Democrat party hruaitu pawl hna nih cun an cohlan hoi lo i Trump nih ralzam le mipem hna caah na timh mi cu (kalaoh t’himkaluhter)bantuk men a si tiah an chim.
Cu hlan American cozah nih mipem sabaa le ralzam hna a rak lak ning hna cu (family-based admissions system) ti a si i chungkhat rualchan,laihri tlai pawl hna a rak lak mi hna an si deuh i cu cu American miphun hna lutput ning cu a si an ti.asinain cu thil a rak si cangmi cu Trump cozah nih let t’han in phunghram thar ser dingah a tawl rel cuahmah mi a si tiah an chim.
Source: BBC
