American President Trump Nih Middle East Ram Chung Cu Ka Cozah Ralkap Khahter Dih A Timh

Wite House ah US le Iran kongah National Security Council ton biaruahnak cu an tuah t’han i cu ton biaruahnak ah (biasu)an chuah mi cu US nih Iran hi kan kap taktak lai maw?Iran cozah nih US cu rak kap hna sehlaw zei tin dah kan doh lai tiah biaceihnak an tuah i an biachahnak cu Iran nih US ralkap a pom duhlo a si ah cun an kah lai caah US nih a ralkap hna cu Middle East ram chungah minung 120,000 kuat t’han si ko seh tiah National Security Council pawl hna nih biachahnak an tuah t’han tiah The New York Times nih cun a chim.

 

Wite House ton biaruahnak ah a tel mi hna hi US Acting Defense Secy Patrick Shanahan, National Security Adviser John Bolton, CIA Director Gina Haspel, National Intelligence Agency Director Dan Coates, US Military Chief of Staff Chairman Gen. Joseph F. Dunford Jr hna zawng an i tel dih i Iran cozah kongah an lungput an i khat dih hna i Iran cozah kongah an biachahmi zei maw zat cu an chim phuan lo mi tampi an um tiah an chim.

 

Amah belte an biaceih mi chungin mipi thawnglatu hna sin ah an chim mi cu Iran cozah nih a kan kah khawh caah US cozah ralkap hna cu Middle East ram chungah minung 120,000 tluk kuat t’han dingah biachahnak kan tuah mi cu a si tiah an chim.cun US cozah nih Middle East ram mah zatzat a ralkap a kuat ding mi hna hi Middle East ram chungah hmunhma an rak lak khawh nak dingah cun thla khat chung a caan an lak a hau lai tiah an chim.

 

President George W. Bush chan lio in National Security Adviser Bolton nih cun Iran ram hi rak tuk a rak duh diam cang,a si na in President George W. Bush nih cun Iran tuk a duh lo caah US nih cun a rak luatter i cu ruangah US cozah nih Iran ram lei ah USS Abraham Lincoln Carrier Strike Group le USS Arlington Transportation, B-52 bomber hna an kalter nak cu National Security Adviser Bolton ruahnak deuh in kalter mi an si tiah an chim.

Source: BBC

Author: Salai Ephraim