American president hlun a si mi Obama le Hillary hna nih cun Nu hna nih an nau pawi mi an duh lo i an pawi mi Nau an thah mi hna taksa cu zei bantuk in dah an um tiah dothlatnak le kherhlai nak zung caan saupi an rak tuah i.cu thil an tuah mi cu Women’s rights group tampi hna zong nih an rak doh na in an doh kho hna lo,asinain Trump nih cu zung cu a khar piak khawh cang hna tiah an chim.
American president Trump cozah hna nih cun Nu nih a duhlo i a nau pawi lio mi an thah cia mi hngakchia taksa hna cu sibawi doctor te hna nih cawn nak ah hmang in an duh paoh in an cheu hna i an taksa chungah zei dah a um ti ah kher hlai nak an tuah mi hna cu ningcanglo thil a si caah Obama le Hillary research tuah nak zung paoh cu pehzulh ti lo in khar dih a si cang tiah an chim.
US Scientists mifim thiam pawl hna nih cun Obama le Hillary hna nih Naute a thi cang mi hna taksa hmang in mah bantuk kherhlainak nawl an kan pek mi ruangah hin t’ihnung zawt nak AIDS le Cancer zawtnak hna cu zei tin dah kan doh lai i zei tin dah an zawtnak hrit kan tei khawh lai tiah t’hat hnem nak tampi kan i lak khawh caah Trump nih mah bantuk thil a tuah mi cu aa let awk a si tiah an chim ve.
Hi kongah US Department of Health and Human Services pawl hna nih cun Obama le Hillary hna nih mah bantuk rian an t’uan mi cu ningcanglo thil a si caah pehzulh khito lo dingin Trump nih biachahnak a tuah awk a si.Trump nih hi thil a tuah mi cu Nu hrin covo a dirkamh ruangah lawng si lo in a hman mi biachahnak a tuah mi a si tiah an chim.
Source: CNN
