American Ralkap Japan Ram Um Mi Pawl Hna Nih Trump An Conglomh Ning Cu A Mak Ko

American president Donald Trump le a thaisung Nu Melania cu Japan ram ah ni 4 chung can dingah timtuahnak an tuah neih mi cu tlantling tein an lim hnu ah Tokyo Bay i US force ralkap an um mi USS Wasp pawl hna cu an va tlawng pah hna hi Trump le a Nupi Melania hna cu ropui taktak in an rak conglomh hna tiah an chim.

 

USS Wasp ralkap pawl hna nih cun Trump le a Nupi hna cu an rak don hna i USA tiah thang taktak in an rak au i pin ah (Make Aircrew Great Again) tiah an rak au tiah an chim.USS Wasp ralkap pawl hna nih an au mi hi a luancia US Presidential election ithim lio philhlo nak ca i an rak phuah mi a si tiah an chim.

 

Cun Trump le a thaizungnu hna nih cun a ralkap pawl vialte hna theih dingin Memorial Day ah nan dihlak in nan kut kan in tleih hna tiah thang taktak in a au ve tiah an chim.cu hnu ah Trump nih cun a ralkap pawl hna sin ah bia a chim i,”tuchun ni bantuk in ram le miphun caah nan i pek nak le nan rian t’uan nak cu theih piak peng nan si lai”tiah a chim.

 

Cun American cozah nih nan caah thla kan in cam piak peng hna i kan thlacam nak ah kan in philh bal hna lo tiah a chim.a cozah ralkap pawl hna forhfialnak bia tampi a chim hnu ah Pacific rili ah a um mi a cozah ralkap le Japan cozah forces Maritime Self Defense Force Helicopters phurtu DDH- 184 JSKaga le Japan ralkap pawl hna zong kut tleihnak a tuah ta tiah an chim.

Source: BBC