American Ram Chung Sianginn ( School ) Tam U Ah Cun Trump Conglomhnak Biachim An Duh Lo

US Liberal pawl hna nih cun US ram chung ah Facebook, Tweeter, Youtube, Instagram, Google pawl i chirhchan in Trump conglomhnak le a thang t’hat nak kong chim cu an khap cuahmah.cu pin ah US ram chung Sianghlei run a si lo ah high school zei maw zat ah cun Trump kong chim le Trump thilti khawh nak chim phuan lo dingin rian an t’uan cuahmah fawn tiah an chim.

 

American ram chung Sianghleirun le high school Cacawn nak hmun ah hin Hngakchia zei maw zat hna cu Trump a dirkamhtu an um ve i cu hna pawl nih cun Trump rian t’uan le a cawlcangh ning an uar nak le an conglomhnak hna cu Facebook, Tweeter, Youtube, Instagram, Google chungah an mah le hmuh ning in tampi an post tawn i cu hna pawl vialte zong cu Liberal pawl hna nih an kham cuahmah hna.

 

Cun Trump kongah Sianghleirun le high school Ca cawng lio mi hna nih zalong tein (Free speech) biachim nak nei lo dingin biachahnak an tuah piak fawn hna.cun Ca cawngmi tampi hna cu an Cawnpiaktu Saya te hna nih a thli in Trump cu mi fel lo a si tiah a rak cawnpiaktu hna zong an um cang tiah an chim fawn.Trump conglomhnak kong a chimtu hna cu Sianginn in chuah nan si lai tiah biatak tein an khap hna.

 

 

Hi thil ruangah Trump fans a si mi hngakchia kum 11 Nute Ms.bella Moscato nih cun a kan cawnpiaktu saya te hna nih OBAMA le a chungkhar kong hna cu zalong tein chim nak le an kong ceih khawh nak nawl an kan pek na in Trump le a chungkhar hna kong chim phuan an kan senhlo mi cu ningcanglo thil a si tiah a chim.amah belte hi kongah Trump nih a chim mi bia a um hraw rih lo tiah an chim.

 

Source: Media giants

Author: Salai Ephraim