American Ram Chung Washington Khuapi Ralzam Um Nak Hmun Ah Tuksum Thah Nawn Nak A Chuak

American ram khuapi a si mi Washington,Tacoma khuapi chung i Ralzam le mipem tampi an um nak ah tuksum i thah nak a chuak t’han.Tacoma khuapi chung i thah nak konghe pehtlai in t’uanvo neitu palik pawl hna nih an chim ningah cun Tacoma khuapi chungah ralzam konghe pehtlai in rian an t’uan cuahmah nak hmun ( Northwest Detention Center )chungah ralzam minung pakhat nih hriamnam meithal rifle hmangin a cozah rian ning kongah a lungtlin lo nak langhter tiah an chim.

Cun,mi kap pa hi a min ah Mr Willem Van a si.Washington, Tacoma khuapi chung i ralzam le mipem ningcang lo in khuasa mi hna thongin an ser mi Tacoma immigration jail chungah a um cuahmah mi a kah hna i minung pakhat lawng a thah manh.minung tampi nih hliahma an tuar tiah an chim. Tacoma immigration jail chungah a um mi hna ralzam pawl hna nih hin Trump cozah nih ralzam le mipem hna kongah rian an t’uan cuahmah mi hna cu kan lung tlinglo tiah biatak tein thonginn chungah sandah an rak piak ve lengmang tiah an chim.

 

Cun, US Immigration and Customs Enforcement (ICE) officials nih a chim ningah cun Trump cozah nih Ralzam le mipem hna kongah biatak tein rian t’uan hram an thok bak in Tacoma immigration jail thonginn chungah buaibainak le i thah nawn nak hi chuah hram a thok.cu hlan ah cun Tacoma immigration jail chungah buaibainak a um bal loh.hi Tacoma immigration jail thonginn chungah hin American ram chungah a rak lut mi ram 10 chungin ningcanglo khuasa mi hna Ralzam pawl kan chiah nak hna a si tiah an chim.

Washington, Tacoma Police Department nih a chim ningah cun Washington khuapi chungum mi ralzam mi tampi hna nih cun Trump cozah nih ralzam kongah rian a t’uan cuahmah mi cu Ralzam le Mipem caah inn kaa kaupi awn piak dingin sandah an piak leng mang.asinain a tutan ah hi tibantuk in buaibainak le i thah nawn nak a chuak mi cu voi dang an cawlcangh ninghe cun a khat lo.Mr Willem Van nih hin misual rual he i pehtleihnak nei hna sehlaw a si lo. zeicahtiah Northwest Detention Center pawngah a um mi dinhnak dum(park) ah hriamnam an chiah mi char le hmuh an si tiah a chim.

Source: BBC

Author: Salai Ephraim