American Ram Chungum Honey Chin Chin Nih Cun Lainu Kan Mawh Lo,Sualphawt Awt Kan Si Lo

American ram chungum kan Lainu Honey Chin Chin timi Nu nih cun Lainu konghe pehtlai in a tu lio online ah a linsa ngaimi an taw an i zuar nak konghe pehtlai in hi tin a chim,”Lainu lawngte hi sual phawt awk kan si hlei lo,Lainu zong Laipa bantuk in thisa a lum cio mi kan si,taksa nuamh nak tuah cu zeidah a sual tuk mi maw a si?”tiah a chim.kan Laipa zong nih an duh paoh in pei taksa nuamh nak cu an tuah le Nu he Zu he an cawlcangh ko cu,Lainu nih cu bantuk thil cu a tuah kho lo maw kan si hlei?Laipa nih an tuah ning bantuk te in Lainu zong nih kan tuah ve mi pei a si ko cu tiah a chim.

 

Honey Chin Chin timi Nu hi Malaysia in American ram Indian state ah ralzam sinak in 2017 lio ah a phan ve mi a si.a mah hi Pasal a nei na in Fa a ngei rihlo mi a si,American ram a phanh hnu ah Pasal zong a nei mi a si.a pasal he rian an t’uan veve na in an rian t’uan caan an i khat lo.Honey Chin Chin hi Chun ah rian a t’uan i a pasal hi zaan ah rian a t’uan mi a si.American ram chung um Lainu le Laipa cawlcangh ning cu hi tin a chim fawn,rian kan t’uan cio hna i micheu hna cu kan mah bantuk in chun le zaan ah rian an t’uan cio.

Cheukhat pa hna cu an Nupi le nih zei tik dah rian t’uan nak in an rak lawi lai i inn ah nuam tein i komht’i nak kan neih lai tiah an Nupi le nih kan lung thli tein kan rak i ngeih cio.asinain kan Pasal le hna cu inn an rak phanh cun an zukam nam nawn tein an rak lawi i,Nupi le sining zong theih thiam piak lo in,ka thadi ti’n dai ko in an kan ih tak.curuangah Lainu hi soisel awk kan si lo thisa in an nungmi kan si,taksa nuamh nak tuah le Nuva sualnak tuah hna hi kan taksa nih a hlam caan le a hawt bak in a hawt caan a um ve.zei tin dah kan i sum cawk ve lai?tiah a chim.

 

Biachap; Honey Chin Chin nih hi bia a chim mi hi ruahtik ah thil a si kho mi bak a si.Nuva hei si t’ung i Nupi le Va le sining thei lo in nikhuatuk in rian t’uan zong hi thil umtu ning a si hlu loh! Nu kan si ah Pa kan si ah a bik in Nupi Pasal nei cia mi hna caah cun kan inn chungkhar hi zei dah a lawh? ti le kan Nupi le mita-au ning zoh thiam hi a rak biapi ngai mi a si.zei tluk hmanh in va rum ko hmanh law?na inn chungkhar ah daihnak le nuamh nak a um lo ah cun na chungsi a vang peng ko lai.

Note: Mah hi Honey Chin Chin nih a chim ning te in vun langhter mi a si!

Author: Salai Ephraim