American ram chung khuasa Iran mipi minung 1,000 leng kai hna nih cun Washington, DC khuapi chungah sandah an piah i.American cozah nih Iran ram cu zalon nak na pek awk a si.hi tibantuk in American cozah nih Iran ram kongah rian na t’uanmi ruangah Iran mipi cu ti raw,din-ei awk nei lo i na kan thihter dih cang lai tiah biatak tein sandah an piak.Washington, DC chungah hi tibantuk in sandah a piaktu hna hi The Organization of Iranian American Communities pawl hna an si tiah an chim.
Iran mipi hna nih a tu bantuk in sandah an piah nak hi Iran nih US drone cu Persian Gulf rili cungah tla lak in a kah mi kongah American president Trump nih,a tutan i Iran nih thil a tuahmi cu,”Iran nih a tuah sualmi a si lo i thil poi taktak ngaih thiam awk a har taktak mi a tuah”tiah a chim hnu in US ram chung um mi Iran mipi hna an thin a phang.cu hnu cun Iran mipi nih US cozah sin ah mah ti’n an au.US cozah nih Iran cozah cu zalon tein na umter awk a si,Iran cozah cungah rian na t’uan cuahmah mi hi na mak awk a si tiah an chim.
Iran mipi hna nih hi tibantuk in sandah an piah nak hmun hna hi White House inn hmai le Washington khuapi chung le State Department pawl hna hmai ah an au khuang tiah an chim.mah sandah a piahtu hna i an hruaitu bik a si mi hi a tu lio American ram chungah thil ti kho taktak mi a si pin ah US Democratic le Republican parties hruaitu hna lak ah a tel ve mi Maryam Rajavi a si tiah an chim.
American ram chungum Iran mipi sandah a piahtu hna a dirkamhtu Maryam Rajavi nih cun White House nih Iran cozah konghe pehtlai in biachahnak a tuah cangmi vialte hna cu an hnawl t’han hlan tiang sandah cu kan piah peng lai caah, zei can dah hi tibantuk in kan cawlh cangh a hau lai ti cu kan theih kho lo.a tu Iran mipi nih kan i timhnak ah cun White House nih Iran cozah kongah biachahnak a tuah cang mi le a tu i Iran cozah doh dingin rian a t’uan cuahmah mi an hnawl t’han hlan tiang cu kan ma lai lo tiah a chim.
Source: AP
