American cozah nih a raltuknak vanlawng F-22 stealth fighters cu Iran ram rian t’uan ning dothlat tu ah Middle East ram chung khuapi a si mi Qatar ram ah a kalter i,hi raltuknak vanlawng i chirhchan in Qatar ram cungin Iran ram cawlcangh ning hna cu biatak tein dothlatnak an tuah tiah an chim.cun,July 12.2019 ni ah Gulf ram ah American ralkap a um mi pawl hna nih cun Iran he a kap taktak kho mi kan si tiah an hriamnam hna cu zohfelnak an nei fawn tiah an chim.
American cozah nih a raltuknak vanlawng F-22 stealth fighters Qatar ram chungah a thlah mi hi a voi khat nak te lawng a si rih.cu hlan chung vialte ah voi khat hmanh Qatar ram lei ah a kalter bak mi a si loh tiah an chim.US Air Forces Central Military Command nih a chim ningah cun Iran nih Middle East ram um American ralkap hna cungah thil pakhat khat a tuah t’han i ningcanglo in a cawl a si ah cun zei hmanh chim lo in F-22 stealth fighters nih lehrulh nak a tuah cawlh cang lai tiah a chim.AF
July 11.2019 zanah Iran Cozah Nih American Le UK Ram Hna Nih Kan Cungah An Tuah Mithil Hi An I Ngeichih Lai A Ti Hoi.
July 11.2019 zanah Iran cozah nih cun American ram le UK ram hna nih i lungkhat in Iran Oil tanks Gibraltar ah an kan tleih piak mi cu a rauh hlan ah an ram hnih ning tein an i ngeihchih/chir lai tiah Fars News Agency pawl hna sin in a hrocer hnawh t’han hna.cun, Iran ram cungah thil t’ha lo a tuahtu ram paoh cu Iran nih kan zoh sawhsawh ve hna lai lo.Iran ram cungah an tuah ser ding paoh in an cungah lehrulh an si lai tiah Iran Revolutionary Guards deputy commander Ali Fadavi nih a chim.
Iran nih hi tibantuk in bia a chim nak hi UK ramta a si mi Oil tanks tilawng pi cu Persian Gulf lei a kal nak ah a hnu tein Iran Navy tilawng pa bak nih tleih dingin an dawi na in UK Oil tanks tilawng rian t’uantu hna nih an theih i biaral in an tei hna caah Iran Navy tilawng pa 5 cu an kir t’han hnu in Iran nih hi bia a chim hi a si.cun, UK nih Iran Oil tanks tilawng a tleih mi hi American President Trump ruangah a si.Ram pakhat hruaitu a si mi hna nih mi duh ning in kan cawlcangh awk a si loh Trump nih UK ram cu a deh-cawh hna he a khat tiah a chim.
Iran’s Foreign Minister Mohammad Javad Zarif nih cun UK Oil tanks cu rawk duh usihlaw cu fawi tein kan rawh khawh ko.asinain caan t’ha kan hngah deuh rih ca tu ah a si.UK nih Iran Oil tanks a tleih mi a chuah duh hleilo a si ah cun an cungah vel ngeihnak zei hmanh kan neiti lai lo tiah a chim. cun,Iranian President Hassan Rouhani nih cun UK ram nih a tuah cuahmah mithil hi zei set dah ka tuah ti a theih lo caah,a tuah sual mi theihternak ding caah Iran nih thil pakhat khat kan tuah piak ta a hau lai tiah UK cu ralrinnak a pek t’han.
Cun, Iran’s defense minister nih American ram dirkamh in ningcanglo in rian a t’uanpi tu UK ram nih kan cungah a tuah mithil hi Iran nih a rauh hlan ah lehrulh nak kan tuah cawlh lai.UK ram cungah lehrulhnak tuah dingin Iran cozah cu timhcia tein kan um cang tiah Brigadier-General Amir Hatami he hmun khat teah cabinet broadcast by state TV in an chim.
Source: Israel Time