American Ram Nih GBU 57 Bunker Buste Bomb HmangIn Iran A Den Khawh Men Hih

American ram nih kum zei maw zat liam lio ah a rak sermi GBU 57 precision guided, Bunker buster bomb hi nulcear hriamnam relh lo cun vawlei cung bomb dihlak hna lak ah a lian cem mi le t’ihnung cem mi a si.cun,American cozah nih hi bomb a rak ser lio ah hin nuclear hrimnam rawh nak ding caah a sermi a si tiah an chim.

\

Kum 2007 lio ah khan American nih a sermi GBU 57 precision guided, Bunker buster bomb cu zei dah a lawh tik hnek sak nak a tuah bal cang i hlawhtlinnak a rak hmuh cang.cun, hi bomb hi Kg 14000 tluk bak in a rit i,vawlei tang ah feet 200 tiang cu fawi taktak in a khorh khawh dih tiah an chim.cun, American nih hi bomb a ram ser dih a chim mi cu hi bomb hmangin vawlei cungah ram pakhat khat nih nuclear hriamnam ningcang lo in an ser a si ah cun,cu bantuk ram kah nak ding caah sermi a si tiah a rak chim.

 

American Congress party hruaitu hna nih an chim ningah cun hi bomb hmangin Iraq, Iran, North Korea hna nih vawlei tang rian an t’uan ning cu felfai tein dothlatnak tuah a si cang.a bik in North Korea ram underground nuclear facilities le Iran ram underground nuclear facilities hna cu bihzoh cuahmah an si.an mah underground nuclear facilities rawh nak ding caah timhcia in kan um ko tiah an chim.

Amah belte hi bomb hman nak konghe pehtlai in American Trump cozah nih zei hmanh a chim loh.asinain American Congress party hruaitu hna nih an chim ningah cun hi bomb cu vawlei cung ram vialte hna nih nuclear hriamnam konghe pehtlai in thil t’ihnung a chuak dingmi khamnak caah le vawlei pi hum him nak ding caah sermi a si i a tuah cun Iran le North Korea ram hna underground nuclear facilities bihzoh cuahmah lio a si tiah an chim.

Source: BBC