American Ram Nih Kawl Cozah Ralkap Hmanh Ah An Ralbawi Pawl Hna Lukongh Dingin Biachahnak A Tuah

Kawl cozah ralkap pawl hna nih caan saupi chung Rohingya Muslim pawl hna a tuk den hna ruangah American ram nih cun kawl cozah ralkap lak ah nawlngei cemtu, an lu cem a si mi palsa t’ha chief Min Aung Hlaing le a hnu zultu minung pathum hna cu hrem dingin biachahnak an tuah piak cang hna tiah US State Department nih fiang tein a chim cang.

Cun,hi konghe pehtlai in US State Department nih a chim ningah cun kum 2 chungah kawl cozah ralkap pawl hna nih cun Rohingya Muslim pawl hna sin ah biatak tein an hriamnam an hman i,minung tampi an thah hna pin ah Rohingya Muslim pawl hna cu Bangladesh ram ah an zam.cun,Rohingya Muslim pawl hna konghe pehtlai in American nih dothlatnak an tuah peng tik ah chief Min Aung Hlaing le a hnu zultu minung pathum hna ruangah a si bik tiah tehte felfai tein kan neih dih cang tiah US nih a chim.

America Secretary of State Mike Pompeo nih cun chief Min Aung Hlaing le a hnu zultu minung pathum kongah American nih Kawl cozah sin ah rian t’uan ding in voi tampi chimh a si.a sinain kawl cozah nih zei hmanh a tuah duh lo caah American nih chief Min Aung Hlaing le a hnu zultu minung pathum cu hrem dingin biachahnak kan tuah mi a si tiah a chim.

 

Chief Min Aung Hlaing photo.

Cun,Kawl ram chung hrambunh Nuhrin covo human rights rian t’uan nak konghe pehtlai a kawl cozah zong a rian t’uan ning a hman lo caah le human rights phunghram zer a rel lo caah a herh ningin biachah piak a si te lai tiah American nih a soisel nak bia zong a chim chih fawn.American nih hrem dingin biachahnak a tuah piak mi hna hi,”deputy commander chief Soe Wing, Brigadier General Than Oo le Brigadier General Aung Aung le chief Min Aung Hlaing hna an si tiah an chim.

Source: BBC

Author: Salai Ephraim