American Ram Nih Kawl Cozah Ralkap Hremnak Ding Pungsan/Ahran An Suai Taktak Cang

American cozah nih cun kawl cozah ralkap pawl hna nih an ram chungum mi Rohingya pawl hna cungah le an ram chungah Nu hrincovo rian a t’uantu hna humman rights cu zei ah rel lo in caan saupi chung ningcanglo in rian an t’uan cang ruangah dantat an si lai tiah an chim.cun kawl cozah ralkap pawl hna dan atat tu ding hna cuUS Democratic party hruaitu hna le Republican party hruaitu pawl hna nih tawlrel dingin biachahnak tuah a si tiah an chim.

US Democratic party Vs Republican party leaders photo.

Cun Republican party hruaitu chungin Steve Chabot nih a chim ningah cun US cozah nih kawl ralkap kongah mah bantuk thil tuah a timh nak a ruang cu Asian pacific committee hruaitu pawl hna nih kawl cozah ralkap pawl hna thil tuahmi Rohingya miphun hna an thah nawn ning hna le Nu hrin covo zei ah an rel lo nak kong cu voi tampi US cozah sin ah tawl rel piak dingin nawlpatnak an rak tuah cang i,cu thil cu June 13 ah biachahnak tuah piak an si cang tiah a chim.

Cun US cozah nih kawl ralkap cungah hi tibantuk in hremnak le dantatnak pek dingah (draft)ahran suai dih a si cang i,US Democratic party hruaitu hna le Republican party hruaitu pawl hna nih biachahnak an tuah ning te in kawl, Hluttaw sin ah theihternak le Ca kuat pek an si cang tiah an chim.cun cu hlan i US cozah nih kawl cozah a rak bawmhchanh mi vialte hna zong kawl cozah ralkap hna nih a tu bantuk Nu hrin covo zei an rel lo i a ram chung mipi hna sin ah cu hlan bantuk in a cawlcangh peng a si ah cun bawmhnak vialte hna zong phih khar piak an si fawn lai tiah an chim.

Cun kawl ram mi hna US ram luhnak caah an tuah tawn mi VISA zong khar piak dingin an chim.a mah belte US cozah nih cun cuhlan ah kawl cozah ralkap nih mipi hna sin ah ningcanglo in rian a rak t’uan mi le mipi a rak thah mi vialte hna le ningcanglo in mithil a chuah mi vialte hna cu na remh/cham hna i nan karlak ah remdaihnak na serpi khawh hna a si ah cun US cozah hi biachahnak kan tuah cang mi cu pehzulh lo in um khawh a si.asinain cu thil na tuah lo a si ah cun na cungah datatnal le hremnak pek nan si lai tiah an chim.

Ref: VOA