American Ram Uk Bawi Vialte Hna Lak Ah Trump Lawng Hi Independence Day Biacah A Chimtu A Si

American cozah nih hin American independence day cu voi tampi an hman cang na in hi independence day an hman nak ah president nih aram le mipi hna lawng si lo in an cozah ralkap hna le American ram nih luat nak an hmuh ning an tuanbia a chim tu le mipi hna sin ah biachahnak zei hmanh an rak chim bal lo i Trump lawnglawng nih a chim tiah an chim.

Cun, Trump nih American independence day ah American ram tuanbia tawi a chim lai hngak in a ram mipi hna nih cun Trump biachim lai hngak in mipi tam taktak nih leng in an rak hnga ko tiah an chim.American independence day an hman nak hmun hi Washington DC chungah a um mi Lincoln Memorial ah a si.Trump biachim a ngaitu hna hi a an tam pin ah a cozah ralkap hrimhrim an tam taktak tiah an chim.

 


Mipi hna hmaiah cun dir in Trump nih biachim nak a thawk i,Tuchun ah hi tibantuk in American independence day kan hman mi hi zeidang ruang si lo in American ram le mipi nih luatnak kan rak hmuh ni le kan t’uanbia cu mipi thinlung chungah a cam peng i, lungkhat tein kan dir khawh nak hnga caah kan tuah mi a si”kan tuanbia”kan conglomh tu a si.hi kan tuah mi nih lungkhat tein rian kan t’uanti khawh nak hnga le American ram kan serthar khawh nak hnga caah kan tuah mi a si tiah a chim.

 

Cun,American ram le mipi hna caah luaknak/zalon nak le nun duhdim nak kan hmuh khawh nak hnga caah American ralkap pasal t’ha hna nih kan ral hna kut in American alaan’flag’ cu an rak humhim tu hna philhlo nak caah le kan tuanbia philh lo nak caah kan tuahmi a si tiah a chim.cun,American ram le mipi hna chiat/t’hat nak kongah American cozah ralkap hna kut ah a hngat mi a si tiah biatak tein a chim.cu lio ah cun Mipi nih USA.USA.USA. tiah an rak au.cun, American mipi le a ralkap lungkhat tein kan dirti khawh peng a si ah cun Sertu Pathian thawngin American nih ser khawh lo mi le tuah khawh lo mi kan nei lai lo tiah a chim.

Source: BBC

Author: Salai Ephraim