American Vice President Mike Pence cu New Hampshire state ah kal dingin a timh lawng si lo in aa thawh cang i Air Force 2 ah a phan cang,asinain a nun nak caah thil t’ihnung taktak a um caah ruahlo pi in a let t’han i a kir t’han tiah an chim.hi konghe pehtlai in media le thawnglatu tampi hna nih cun American Vice President Mike Pence nih a rian in a chuak lai tiah an zumh.zeicahtiah Trump nih American ram a vun pen hnu in ruahlo pi bantuk in a cozah rian t’uantu minung tampi nih an rian an chuah tak ruangah a si kho men tiah an chim.
Cun,American Vice President Mike Pence konghe pehtlai in President Trump nih cun media pawl le thawnglatu zei maw zat hna nih American Vice President Mike Pence konghe pehtlai in theih nan duhmi le nan chim phuan mi fianter nak cu a tu ah rian rang tein fianter khawh mi a si lo caah a tu in zarh hnih hnu lawngah American Vice President Mike Pence kongah cun biafiang kan chim te lai,cun, American Vice President Mike Pence cungah zei thil set dah a cang ti mi cu fiante in chim phuan khawh kan i zuam te lai tiah “Twitter” in a chim.
Cun, a tutan ah American Vice President Mike Pence cungah thil a cangmi hna hi White House inn rangpi he a pehtlai mi zei thil hmanh a um lo.asinain a tutan i American Vice President Mike Pence cungah thil a cangmi hna cu thil a fel lo mi tampi a um caah zei hmanh kan chim khawh rih lo nak cu a si tiah a a chim. Chief of staff Marc Short zong nih Vice President Mike Pence cungah thil a cang mi konghe pehtlai in biafiang zei hmanh a chim duh lo i Trump a chim mi pin ah a chim chap mi a um lo.
Cun, Vice President Mike Pence palai rian a t’uan piaktu Randy Gentry nih cun Vice President Mike Pence kongah lakhruak phone chawnh kan tawng i ti lawng a chim ve i zei hmanh bia fiang a chim fawn lo.Vice President Mike Pence konghe pehtlai in mah bantuk thil a cangmi ruangah American mipi hna cu khuaruahhar ngai in an um i an mah le ruah ning cio in bia an chim.asinain biafiang taktak zei hmanh chim phuan mi a um rih lo tiah an chim.
Source: BBC
