American Trump cozah nih Middle East ram chung khuapi a si mi Bahrain ah nihnih chung bak hlunghlai taktak in june 25-6 tiang economic wokshop tuah a timhnak ah Middle East ram vialte hna le ram dangdang a sawm ko hna na in Israel cozah official pawl hna cu a sawm ve hna loh tiah an chim.hi konghe pehtlai in Palestine cozah nih a chim ning ah cun US cozah nih Israel a sawm hna lo nak a sullam cu Israel le Palestine cozah karlak buaibainak hi a mah duh ningin biachahnak tuah a timh ruang a si caah kan nih cun kan itel lai lo tiah a chim.
Asinain Palestine cozah nih teli lo tim hmanh hna sehlaw an mah ai-awhtu hnah tel an i tim t’hiam ve.cun hi ton biaruh nak ah White House senior adviser Jared Kushner nih a rak chim ningah cun Israel cozah cu an i tel lai lo na in an mah ai-awhtu ah Israel nih Israel ngunkengtu Minister Moshe Kahlon cu an rak thlah lai tiah a rak chim.asinain Israel cozah nih cun hi ton biaruahnak ah Israel cozah hruaitu hna chungin mi zei hmanh kan itel lai lo i kan mah ai-awhtu ah mi pakhat khat tu thlah khawh kan i zuam te lai tiah an chim.
Palestian Authority nih cun US cozah nih hi thil tuah a timh mi ah hin Middle East ram nih kan telpi hna awk an si lo.zeicahtiah US nih a mah nawlngeihnak hmang in Israel le Palestine ram kongah biachahnak tuahpi a kan timh mi a si.cucaah US nih Israel le Palestine ram kongah cun zei bantuk biachahnak hmanh tuah sehlaw kan cohlang kho lai lo.Jerusalem le Palestine ram cu zuar chaw ram an si lo tiah a chim.
Cun Palestian Authority nih hi tibantuk in Middle East ram hruaitu hna sin ah a chim hnu ah Arab ram hruaitu pawl hna sin zongah telpi bak lo dingin nawlpatnak a tuah fawn.asinain US ambassador David Friedman nih cun Palestian Authority nih Middle East ram hruaitu hna le Arab ram hruaitu hna sin ah telpi lo dingin nawlpatnak a tuah mi hna ruangah telpi lo in kan um lai a ti mi an um hraw rihlo i telpi khawh dingin timhlamhnak an nei cio tiah a chim.
Source: BBC