Nizan nai ah Kawl cozah official pawl hna hi Bangladesh ram chung khuasa Rohingya ralzam pawl hna cu an um nak hmun ah an va tlawng hna i, kawlram ah an dih lak in rak tlung dingin an va lem mi hna le an va sawm mi hna cu Rohingya ralzam pawl hna lak i an hruaitu hna nih a kawl cozah sin ah lehnak an tuah cang.Rohingya pawl hna nih cun,”Kawl cozah nih na ram mi sinak na kan pek ding le Tlang cungmi,miphun pakhat ah na kan cohlan kawh ding a si ah cun kan dihlak in kawlram ah cun kan rak tlung lai”tiah an leh hna tiah theih a si.
A luancia October thla lio i kawl ram cozah palai pawl hna nih Rohingya ralzam pawl hn kawl ram kir dingin an rak sawm lio hna ah khan cun Rohingya ralzam pawl hna nih kir kan duhlo tiah biatak tein an rak chim.asinain a tutan ah cun Rohingya ralzam an hruaitu hna le Kawl cozah palai minung 35 hna nih cun nihnih chung bak ton biaruahnak an ngei i,Rohingya ralzam hruaitu hna nih cun Kawl cozah nih na ram mi sinak le Tlang cungmi,miphun pakhat ah na kan cohlan hnu lawngah kan dih lak in kan rak kir lai tiah an chim.
Cun,Rohingya ralzam hna lak i an hruaitu a si mi Mr Del Muhammad nih cun Kawl cozah nih Rohingya miphun nan kan zoh niam i miphun nauta ah nan kan chiah chung paoh le zei ah nan kan rel lo chung paoh cu kawlram ah kir kan i tim loh!asinain Kawl cozah nih Rohingya miphun hna cu na ram mi sinak na kan pek i Tlang cungmi,miphun pakhat ah na kan cohlan taktak a si ah cun Rohingya ralzam hna cu kan dih lak in Kawlram ah kan kir dih ko lai tiah a chim.
Cun,Rohingya miphun hna nih kan mah le ram a si mi hmun hna khi Kawl cozah nih na kan pek dih i vawlei cung miphun vialte hna nih an mah le hmun/ram kongah nawl ngeihnak an ngeihmi bantuk tein Rohingya miphun hna cu nawlngeihnak na kan pek lai.cu tibantuk in na tuah t’unglo a si ah cun kan tlung/kir lai lo.Rohingya ralzam hna nih Kawl cozah sin ah duhmi dang kan ngeilo.kan duhmi cu Kawl ram mi kan sinak felfai tein na kan pek lai pin ah minung a si mi nih a covo”right”a ngeihmi vialte na kan pek lai?cu ti a si lo a si ah cun kan kir hrimhrim lai lo tiah an chim.
Ref: Free
