China (Tuluk) ramri Pa minung pa nga hna nih cun Myanmar palik uniform thuamthil i hruk riang mang in China le Myanmar ramri ah ningcang lo in mi an dehhlen hna ruangah October 15 ni ah khan China le Myanmar ramri a si mi Lohkai khuapi chungah Myanmar palik thuamthil he tleih an si tiah theih a si.cun,t’uanvo ngeitu palik pawl hna nih China ram mi an tleih mi hna cu an thil tuah mi konghe pehtlai in bia an hal tik hna ah,”China rammi hna Myanmar ram chungah ningcang lo in a rak lut mi hna hrocer nak caah le an chawva chuh dingah hi rian hi kan mah lungtho tein kan t’uanmi a si”tiah an chim.
Cun, an tleih mi hna China ram mi Pa, minung pa nga hna tak cungah meithal lem(adeu) hna le Myanmar palik pawl hna nih ningcang lo in khuasa mi, misual, mit’ha lo pawl hna tleih khih nak ding caah an iken mi cikcin etc..tibantuk thil tampi an lak tiah an chim fawn.an tleih hna lio ah hin Myanmar palik pawl hna thuam in an i thuam pin ah an tai ah Myanmar palik taisawm le Pistol lem le M22 meithal lem, thir kual lem cu langsar ngai in an tai ah cun an isawmh.
Mah hna pa nga hna cu an rian t’uanmi konghe pehtlai in Myanmar palik nih Lahwakah act pukmah 13nak hmang in taza a cuai hna.a mah belte zei bantuk hrem nak le dantat nak dah pek an si lai ti cu theih khawh a si rihlo tiah anchim. China ram mi an theih mi hna hi an min cu,”Su Hteik Cuin, Lu Poh Cian, Phan Sui Ping, Cung Ce Cin, Phu Tung hna an si tiah an chim.
Myanmar le China ramri Lohkai khua palik zung nih cun China ram mi, Pa minung pa nga hna nih mah bantuk thil an tuah mi hi ngeihthiam khawh ding an si ti in 25.2019 yazatetgyi pukmah 170 le Lahwakah act pukmah 31nak i Anak hmangin taza a cuai hna.cun, mah hna pa nga nih China ram in Myanmar ram luh a tim mi hna mi tampi cu an ralk hrocer hna pin ah an phaisa zong tampi an rak chuh bal cang.asinain an phaisa chuh mi hna konglam cu an langhter i an chuh bal cang hna ti lawng an langhter.
Source: chindwinpost