Spain cozah Prime Minister rian a t’uan cuahmah lio mi Mr.Pedro Sanchez nih cun a cozah cu rawh in cozah thar dirh dingah a ram chung party dangdang hruaitu hna le policticians thiam thiam hna cu bia tak tein a lem sawi cuahmah hna tiah an chim.
Spain cozah hna hi a liam cia April 28.2019 ah khan i thim nak cu an rak tuah i Prime Minister Pedro Sanchez party a si mi Socialist Party (PSOE) pawl hna nih cun seat 350 chungah seat 123 cu an lak khawh i an ram party vialte hna lak ah seat tam cem a nei mi hna an si.
A si na in Prime Minister Pedro Sanchez party pawl hna nih hin an mah tein cozah thar dirh an duh ruangah an i timh mi cu tei nak an hmu kho t’han lo.an mah party te in cozah an dirh khawh nak ding caah cun seat 350 chungah seat 176 an hmuh a hau i cu thil a tlin khawh nak ding caah party dangdang hruaitu hna cu an taw an sawh len hna hi a si tiah an chim.
Prime Minister Pedro Sanchez nih cun an ram Parliament ah seat 66 a neitu hna People’s Party hruaitu Pablo Casado le official residence, Moncloa hna cu a ton hna i Pablo Casado le Moncloa nih cun an PM cu mah bantuk thil tuah na timh mi cu kan bawm kho lo,zeicatiah hi thil cu Spain ram rawh nak ding thil tuah he a khat tiah an rak leh!
Source: CNN