An Van A Tha Taktak Thailand Ram Ah Kawl Ram Mi 40 Bak Zuar Dingin An Kalpi Hna Lio Ah An Chanh Manh Hna

Thailand special palik pawl hna nih cun an mah ram chungah kawlram mi hna zuar dingin moto nih a phurh cuahmah hna ti thawngpang an theih bak in a phurtu hna moto cu an dawi tik ah,mah moto hi a si tiah an tleih tik ah cun a chungah zei hmanh a rak um lo i palik pawl hna cu an kir hnu ah an va dawi mi moto mawngtu pa cu,cu hlan ah cu bantuk kawl ram mi le ramdang mi Thailand ram chungah a rak zuartu hna le an rak phurtu hna a si ti an theih t’han i an va tleih tik ah cu pa nih cun thil sining a chimh dih hna tiah an chim.

Cu hnu ah palik pawl hna nih cun an tleih mi pa nih a chim ning tein rian an vun pehzulh tik ah Thailand ram chung Hatzai khua ah an va kal i inn number 79 ah cun kawl ram mi hngakchia le Nu Nau minung 40 cu an rak erh hna i an va chanh khawh hna tiah an chim.cun kawl ram mi an chanh nak hna inn hngaktu ah an chiah mi pa pakhat Mr Barri nih cun,”hi ti hin kawl ram mi le ramdang mi tampi hna cu kan tleih hna i Thailand ram in Malaysia ah kan kuat tawn hna, Thailand ram in ramdang kan kuat hna hlan ah cun mah ka hmun ah hin kan zuarta hna”tiah a chim.

 

Cun hi bantuk chawlehnak a tuahtu hi Nu a si i fa pakhat a nei i a fa pa cu sitama(drug)nih a tleih cangmi a si pin ah ritnaksi in chaw a let mi a si tiah a chim.Puaisa pawl hna nih cu bantuk in kan hren mi hna Nu pawl cu an rak zoh pah hna in ritnaksi he Nu he an i meh ruangah hi tibantuk in nan tleih khawh hna nak hi a si.hi rian hi caan saupi chung rak kalpi cangmi a si tiah a chim fawn.

Cun Thailand ram ah kawl ram mi an chanh mi hna pawl hi kawl ram in Malaysia ah kal dingin timhlamh nak t’ha in aa thawh mi hna an si.asinain kawl ram in Malaysia kalnak dingah lam a hmuhsaktu hna an puaisa lak ah mit’ha lo um dawh a si caah Thailand palik nih dothlatnak an tuah cuahmah tiah an chim.cun a tu ah an tleih mi hna hi ti rawl lo in nithum an rak chiah manh cang hna i kawl ram chungah khua zei um mi dah an si tiah theih khawh a si rih lo tiah an chim.freechinland

Author: Salai Ephraim