American ram hi vawlei cung ram vialte hna lak ah ram rum bik le ram t’hawngbik rak si hlahsehlaw?vawlei cung ram vialte hna hi zei tin dah kan um hnga?a bik in Khrihfa hi kan temtuar cem lai dah.a fiang ngaimi cu American ram hi vawlei cung ram t’hawngbik le a rum bik si hlah sehlaw cu a tu bantuk in vawlei cungah remdaihnak le Khrihfa mi hna zalon nak hi a um bak hnga loh!
Russia cozah nih hin American ram bantuk in cozah ralkap t’hawngt’ha nei ve sehlaw cu vawlei hi a rawh bak cawlh lai,asinain American cozah nih a neih zat chawva le ralkap, hriamnam a neihlo caah zei hmanh a tuah kho loh.Pathian lei kap chim lo in,vawlei lei hmanh in mi caah thil t’halo a tuah mi hna le harsatnak ningcanglo in a petu/chuahtertu ram hna cu mi cungah an tuah ning bantuk tein an cungah a tlung t’han.mi nih an cungah thil t’halo an tuah tik ah a ingtu nih letlo tein a um khawh ah cun a ingtu nih cun thluachuah a co.
Minung nih kan hawi pakhat khat hna nih tangah an kan chiah i zei rel lo in an kan chawnh biak mi cu kan ingkho bak lo pin ah a duh zong mi zei hmanh nih kan duh mi a si lo caah American zong nih Russia hi kham a timh peng.aruang cu Russia nih Muslim ram karhchoter dingin timh lamhnak a neih pin ah American ram chung/tualchung thil kongah aa thlak peng.Russia nih a timh mi cu American nih a theihtuk caah a kham peng nak hi a si.Muslim pawl hna kut in Khrihfa mi hna cu a kan ven peng ti nak a si.
Vawnlei cung Khrihfa lawng silo in a Vawlei pi hrimhrim ah remdaihnak le za lon nak a um khawh nak dingah American cozah lawnglawng hi rian a t’uantu an si tiah chimh khawh a si fawn.hi ruangah American cozah nih a ralkap pasal t’han tamtuk an Lu a hloh cang hna.cun,American cozah ralkap rian t’uanmi rengreng hna khi ramdang cozah ralkap hna he an rian t’uan ning le an lungthin put ning an i khat lo caah uar an um khun fawn.American cozah ralkap hna nih ralram an kal ah si seh,an mah ram chung an um ah siseh minung kan nunnak humhim a duh centu cozah ralkap an si.
