Analysis: Trump Le Israel Prime Minister Benjamin Netanyahu Nih An Tonmi Thil Hi Aa Khat Bak

Kan chim cia bangin American president Trump cu a mah thattu dingah Muslim gangstar misual rual minung 100 bak an vahter cang hna tiah thawngpang a thang i Pathian mi hman American evangelist Franklin Graham zong nih vawlei pumpi theih in Trump caah thlacam piak dingin June 2 khi timhlamhnak a nei i sawmnak zong a tuah.

 

Cun Israel Prime Minister Benjamin Netanyahu cu an ram ithimnak ah ningcang tein teinak a hmuh cang i,a mah belte party dangdang hna he i fonh in cozah thar a ser khawh lo caah kum khat chungah voi 2 bak Israel cozah cu ithimnak a tuah t’han dingmi an si.hi Israel cozah an ithim t’han dingmi ah hin Israel Prime Minister Benjamin Netanyahu nih teinak a hmun kho ti hnga maw?zei ca tiah cu hlan i Prime Minister Benjamin Netanyahu thazaang a rak petu le a dirkamhtu ultra-Orthodox party pawl hna le United Torah Judaism party hruaitu hna chungin hruaitu tampi hna nih an kal tak cang.

 

 

Cun a tu ah le Israel ram nih Six Day ral lio ah a rak lak cangmi Golan Heights ram cu Israel ram chung mapp ah a chiah cang pin ah Golan Heights ram min cu Israel Prime Minister Benjamin Netanyahu nih Trump min chuankhan in’Golan Heights Trump’tiah min a sak cang mi cu Israel policians tampi nih an doh cuahmah t’han cang tiah an chim.

 

Cun September 17 Israel ithimnak ah Prime Minister Benjamin Netanyahu nih teinak a hmuh lo a si ah cun Trump min chuankhan in thil a tuahmi chungin a tam u hna cu a rawk kho mi a si tiah mi tampi hna nih an chim.cun News conference cu Jerusalem khuapi chungah zahan ah khan an tuah i cu lio ah cun Prime Minister Benjamin Netanyahu nih june thla chung hrimhrim ah hin Trump min chuankhan in Golan Heights minthar kan sermi cu namnehnak caah lungphun kan tuah a hau tiah a chim.

Author: Salai Ephraim