Apoi Ko Mu: Trump,Brazil President Le A Dang Ram 30 Ram Uk Bawi Hna Nih India Hmai Ah An Khup An I Bil Cang Lai Hih

India nih hawi t’ha taktak ah a sermi US President Pu Trump le Brazil President Pu Bolsonero hna nih cun Covid-19 zawt nak hrik doh nak caah India sermi Hydroxychloroquin sii cu hmang dingin India sin ah nawlpatnak an tuah cang.India Prime Minister Modi zong nih an mah he Covid-19 zawt nak hrik doh t’ih dingin timhlam nak ka ngei cang tiah thanhnak a tuah cang ti kha kan rak langhter bal cang.


Hi Thawngpang cu ramdang mi hna nih an theih tik ah US President Pu Trump le Brazil President Pu Bolsonero hna cherhchan in India sin ah cun Hydroxychloroquin sii hal dingin nawlpatnak tuah dingah lakhruak in biachahnak an tuah cang tiah WION news nih cun a tarlangh.hi tibantuk in India sermi Malaria hrik thah nak Hydroxychloroquin sii lawnglawng nih hin Covid-19 hrik hi a tei lai tiah zumh cem mi a si cang.

Brazil President Bolsonero nih cun India sin ah nawlpatnak le bawmhnak a hal mi hna hi US le kei mah lawng kan si lo ram 30 kan si i,hi ram 30 hna sin ah India nih a sermi Hydroxychloroquin sii cu kuat ding in India Prime Minister Modi sin ah theihter a si cang tiah a mah official twitter ah a tarlangh.India hi vawlei cung sii ai ser or siam ah a pathum nak a si na in vawlei cungah an sermi sii a hmangtu a tam cem ngeitu an si.

Vawlei cung ram 30 hna le US,Brazil hna telh in India sermi Hydroxychloroquin sii an hal mi hi a tlamtling lai tiah 100% in zumh awk a um rih lo.zeicatiah India nih hi Hydroxychloroquin sii aser ka tein hi sii cu ramdang ah luhter le phanhter lo dingah tawh a hrenh mi le biachahnak a ngeih mi a si.India nih cu ti bu in a kuat hna a si ah cun ramdang nih India zeirel lo nak ah an hman khawh caah India PM Modi chim nak ah US lawng a langhter rih tiah a chim.asinain Hydroxychloroquin sii a sertu Company nih cun an sermi cu ram 30 ah kuat siseh ti an duh.

Source: India news channel &WION News