Apoi Taktak! Pathian Rian Tuangmi Pastor Minung Pahnih Cu Rakhine Rami Hna Nih Faktuk In An Rak Vuak Hna

Nu minung pahnih hna cu Pathian rian t’uan dingin Rakhine ram chung(Pade Chaw)khua ah an kal i,cu an va kal nak ah cun Pade Chaw khuami hna nih fak lak te in an rak velh/vuak hna tiah theih a si.Pathian rian t’uan dingin Rakhine ram chung Pade Chaw khua ah a kal mi hna Nu pahnih hna hi tlun inn an theih lo caah Pade Chaw khua ah Khrihfa a um chun Pu Tingphe inn ah an tlung.cu Pu Tingpeng inn chung bak ah cun an khuami hna nih an luh hnawh hna i hi tibantuk in an vuak hna hi a si tiah an chim.

 

Pade Chaw khua mi hna nih cun kan mah sin ah nawlpatnak tuah hmasa lo in hi Nu pahnih hna nih kan khua ah ra in an mah duh paoh in an Pathian bia chim an timh mi cu ningcanglo thil a si pin ah Pade Chaw khua zei an kan rel lo biatu a si tiah an chim.an tlun nak inn chungah cun an ban bak in an va dawh hna i,lengah an vuak hna hi a si tiah an chim.

 

Hi konghe pehtlai in Palik cu Pade Chaw khua an rak ra i Pathian rian a t’uantu hna minung pahnih hna tlun inn Pu Tingpeng inn ah cun an rat i din.caan tlawmpal an i dinh hnu ah Palik pawl hna nih cun Pade Chaw khuami vialte hna le an khuabawi le an khua hruaitu upa vialte hna cu hmun khat ah an pumh dih hna i,Palik cun,Pade Chaw khua ah a um mi Khrihfa mi hna le hi khua ah Pathian rian t’uan dingin a rak ra mi vialte hna cungah mah bantuk in kut nan thlak hna awk a si lo tiah an chim.

Cun,Pade Chaw khua mi vialte hna nih nan khua chungah Pathian rian t’uantu hna cungah hi tibantuk in thil na tuah awk a si ti lai lo.hi hnu ah a tu bantuk in nan khua chungah Pathian rian t’uan mi an si ah,Khrihfa mi hna an si ah na tukden hna a si t’han ah cun nan cungah fak pi in dantatnak pek nan si lai tiah an chim.asinain Pade Chaw khuami hna nih cun,”Pade Chaw khua chungah a tu bantuk in Khrihfa mi hna nih an duh paoh in Pathian bia an rak chim pin ah Khrihfabu an dirh cu kan duh lo”tiah an chim ve.

 

Note: hi buaibainak konghe pehtlai in Palik nih Pade Chaw khua mi hna cungah dantatnak pek a timh dawh an si.hi hnu ah mah bantuk nan hman awk a si ti lai lo.nan tuah t’han a si ah cun nan cungah dantatnak pek nan si lai ti vial lawng an chim i,an kal tak t’han hna tiah an chim.

Author: Salai Ephraim