Kan theih cia bangin Israel ram ithimnak cu a luancia April thlachung ah khan felfai tein an lim cang,ningcang tein Prime Minister Benjamin Netanyahu party nih teinak an hmuh cang.asinain Prime Minister Benjamin Netanyahu le party dangdang hna nih cozah thar ser an timh mi ruangah le party dangdang hruaitu hna karlak ah i theihthiam lo nak a um peng ruangah a thar in Israel ram cu ithimnak tuah t’han an hau men lai tiah an chim.
Hi konghe pehtlai in Israel parliament hruaitu hna nih cun an ram party dangdang hna i fonh in a cozah an dirh zongah an zulh ding phunghram an ser t’han pin ah Israel cozah ithim t’han nak konghe pehtlai in mipi hna sin ah ruahnak halnak le vote thlak t’han dingin biachahnak an tuah t’han tiah an chim.mah cu thil cu tuzan in mipi hna sin ah vote lak a si lai tiah an chim.
Cun Israel parliament hruaitu hna nih biachahnak an tuah ning tein a ram mipi hna nih an duh i vote an thlak dih a si ah cun Israel ram cu a thar bak in ithimnak tuah t’han a si lai.a mah belte Prime Minister Benjamin Netanyahu nih tuza suimilam 9 tiang cozah thar sernak dingah caan a nei i suimulam 9 hlan i a ser khawh a si ah cun Ithimnak hi let t’han a si lai i,a ser khawh lo a si ah cun Israel ram cu a thar bak in thimnak tuah a si lai.
Israel Prime Minister Benjamin Netanyahu nih cun Israel ram ithimnak a thar in tuah t’han cu a herhti lo mi a si pin ah hi thil hi kan tuah awk thil a si lo tiah mipi hna sin ah a chim.asinain Israel parliament nih biachahnak a tuah cangmi cu Prime Minister Benjamin Netanyahu party nih tuah khawh mi an neih lo caah mipi duhnak le duhlonak lak hnu lawng ah a fiang dingmi a si tiah an chim.
Source: CNN