American cozah nih Iran cozah kah/doh nak ding caah US cozah military forces pawl hna cu tam lak te kuat cuahmah a timh i,cu kong he pehtlai in US cozah nih Gulf Cooperation Council pawl hna sin ah nawlpatnak a tuah mi cu Gulf Cooperation Council nih lung tling tein kan in cohlan tiah thawngthanhnak an tuah taktak cang.
Cun US cozah nih nizan ah khan a raltuk nak tilawng pahnih cu Gulf ah a kuat t’han i an pahnih tein Gulf cu an phan nawlh.cu pin ah US cozah raltuknak tilawng pahnih baak cu Iran nih ram dang mi hna nih hi hmun cu nan pal awl a si lai lo,nan pal a si ah cun kah nan si lai tiah para a kham kanh mi hna rili ah an lut cuahmah cang na in Iran nih a kap ngam rih lo.
Gulf Cooperation Council pawl hna nih US cozah duhnak an zulh mi hi Iran cozah nih zei tin dah a ruah lai ti cu theih a si lo,hi kongah Iran cozah nih bia a chim mi le lehnak a tuah mi zei hmanh a um rih fawn lo.
A mah belte Iran a dirkamhtu ram hna nih cun US cozah nih Gulf ram chungah a ralthuam he duh paoh in a luh mi hi international law a buar a si tiah a rak chim mi an um ve.
Asinain Gulf Cooperation Council nih cohlan nak le a duh tawk in a cozah ralkap cawlcanghnak dingah hmunhma a pek mi hi Iran ram caah cun tihnung ngaingai a si ko cang.
Source: AP