Kawlram chung ah khuasa mi Tlangcung hriamnam tlai mi a tu tiang hna a hawk peng mi le a kawl cozah he a kap cuahmah mi hna AA, KIA, TNLA le MNDAA pawl hna cu a rauh hlan ah Kawl cozah he Ca buai cung ton biaruahnak an ngeih kho cang lai tiah theih a si.hi hriamtlai bu/phu 4 hna hi Shane ram chungah khuasa mi hna an si.kan thei banktum in an hriamnam zong a t’ha i an lung zong a rual taktak mi hna hriam tlai pawl kha an si.
August 15 .2019 ni thok in AA, KIA, TNLA le MNDAA hriam tlai pawl hna le a kawl cozah ralkap pawl hna cu biatak tein i khah hram an thok t’han.hi ruangah kawl cozah ralbawi lei nih cun hi hriamtlai bu/phu 4 hna hi cu kawl ram chungah remdaihnak a duh lo mi le kawl ram chungah hna hnawh nak le buaibai nak a phurtu men an si.cucaah a cozah nih cun ralhrang ah kan cohlan mi hna an si cang tiah an rak chim bal cang.
Asinain AA, KIA, TNLA le MNDAA pawl hna le kawl cozah hna cu a ra lai mi August 30. 2019 ni ah khin nichuahlei Shane ram chungah a um mi Kyian Htu khua ah Ca buai cung ton biaruahnak ngei t’han dingin biachahnak tuah a si cang tiah an chim.cun, hi hriam tlai AA, KIA, TNLA le MNDAA pawl hna le a kawl cozah hna hi April thla chungah khan voi khat an i tong cang na in ton biaruahnak an tuah hnu ah an i kap t’han rih.
Cun, kawl cozah le AA, KIA, TNLA le MNDAA pawl hna nih a tu bantuk in ton biaruahnak tuah kho dingin timhlamhnak an ngeih khawh t’han nak hi PCG nih a chim ningah cun China cozah rian t’uan nak thawngin a si tiah an chim.asinain AA nih an chim ningah cun kawl cozah he ton biaruahnak ngeih dingin timhlamhnak cu ngei ko hmanh usih law China cozah rian t’uan nak thawngin a si tiah an chim rih awk a si loh.zei hmanh a fiangmi a um rih lo tiah a chim.Irrawady
