Argentina Ram Zongnih American Biachahnak Hrawmpi In Hezbollah Cu Ralhrang Ah Cohlan Nak A Tuah

Lebanon ram chungah khuasa mi Hezbollah movement ralhrang pawl hna hi American, UK, Israel, Gulf Arab state chung um mi Ram a tam u hna nih cun vawlei cung ralhrang ah cohlan nak an tuah cang.cu hnu ah Argentina ram zong nih Lebanon Hezbollah movement pawl hna cu vawlei cung ralhrang ah cohlan nak a vun tuah ve hi a si.

Hezbollah movement photo.

Argentina ram nih Lebanon ram chung um Hezbollah movement pawl hna cu vawlei cung ralhrang ah cohlan nak a tuah le cangka in Hezbollah movement min in Argentina ram chungah chawlehnak an tuah mi hna le cu hlan ah i pehtleihnak an rak ngeih mi hna cu a chah kanh hna i a hrem cawlh hna tiah an chim.

 

A Luancia kum 25 lio ah khan Argentina ram chung khuapi a si mi Buenos Aires khuapi chungah a um mi Amia Jewish cultural centre ah Hezbollah movement pawl hna nih tuksum i thah nawn nak an rak chuahter i,cu tibantuk in i thah nawn nak an rak chuahter mi cu Argentina ram nih philh lonak caah caan hman nak an tuah peng i,a tu hi cu camtuak philhlonak an tuah mi kum 25 tlin nak ah Argentina nih ralhrangah cohlan nak a tuah hi a si.

Argentina president Mauricio Macri photo.

Argentina ram nih cun Hezbollah movement nih Amia Jewish cultural centre an kan rawk piak hnu in kan ram chungah buaibainak an chuahter peng,kum 25 luan cang hmanh sehlaw mah thil kha a case a dih rih lo.cun hi thil kong ah Hezbollah movement lawng si lo in Brazil le Paraguay zong itel nak an nei ve tiah Argentina Financial Information Unit nih a chim.

 

Source: BBC

Author: Salai Ephraim