ASEAN Ram Uk Bawi Hna Nih Min Aung Hlaing Cu An Hnawl Taktak Ko Cang

ASEAN tonbiaruahnak ah Min Aung Hlaing sawmlo ding kan ceih, tiah ASEAN Palai nih chim.Aralai mi ASEAN tonbiaruahnak ah Min Aung Hlaing sawmlo ding kong nihin ah ASEAN chungtel ram in Ministers hna nih kan ceih, tiah Brunei Ramdanglei Minister (2) Erawan bin Pehin Yusof nih a chim.

“ASEAN he biahrennak 5 kan ngeih mi zong SAC phu nih tuanchuah le tawlrel an i tim lo. Cun, nawlngeihnak an lakka tein hren mi Daw Aung San Suu Kyi he ton ding nawl kan hal mi zong direct in a kan let fawn lo,” tiah Erawan bin Pehin Yusof nih a chim, tiin BBc nih a tial.Hi kong ah Malaysia Ramdanglei Minister Abdulah zong nih, NUG he tonbiaruahnak ngei ding ah timhcia kan si, tiah a chim ve.

Relchap: NUG he tonbiaruahnak ngeih ding timhcia kan si, tiah Malaysia Ramdanglei Minister nih chim.Myanmar ram kong ah ASEAN hruaitu hna nih biahren 5 kan ngeih mi kha SAC phu nih tuanti le zulh an duhlo ahcun NUG he tonbiaruahnak ngeih ding timhcia kan si, tiah Malaysia Ramdanglei Minister Saifuddin Abdullah October 6, Pyithu Hluttaw meeting ah a chim.

“Malaysia Cozah hi ASEAN ram chungtel kan rak si hlante in Myanmar ram he a thatnaklei in khuakhangti kan rak si,” tiah Minister Abdullah nih a chim fawn.Malaysia Cozah dirhmun in NUG he a dang tein tonbiaruahnak kan ngei te lai maw, tiin Hluttaw Palai pakhat nih biahalnak a tuah mi ah atu bantuk in Minister Abduhlah nih a leh hi a si i, “SAC phu nih hin ASEAN biahren 5 hi an zuul rih lo,” ti zong ah a chim fawn.

Source: BBC

Author: Salai Ephraim