mi zei a si ti theihlo mi Islamist ralhrang pa pakhat nih cun Asia Bibi cu va that dingah Canada ram ah a lut i,Canada ram chungah Asia Bibi cawlcanghnak le an um nak Inn hna cu a thli in dothlatnak a tuah cuahmah tiah online video in an chim t’han rih.cun mah pa hi online video chung in a mah cu hmuh khawh a si na in a mui fiang te in hmuh khawh a si lo tiah an chim.
Cun Islamist ralhrang pa nih cun hi t’in a chim,”Asia Bibi nih hin Islamist biaknak soisel in le doh in bia a chim t’han rih a si ah cun Canada ram in hell ah kuat dingah a sin ah ka phan cang i a lawm man pek dingah timhcia ka si cang tiah fiang ko in a chim”cun ka thah tik zongah hawi thah in ka that lai lo i harsatnak le a fah a tuar taktak hnu lawng ah ka thah lai tiah a chim fawn.
Islamist ralhrang pa nih Asia Bibi kongah online in mah bantuk bia a chim mi kongah Canada cozah nih cun zei bia hmanh a chim lo pin ah a tu tiangah cun a theilo um in an um rih tiah an chim.asinain Asia Bibi le a chungkhar hna cu an nun nak a him khawh nak hnga caah Canada ram chung daikilkar ah um ter le chiah an si tiah an chim.
Asia Bibi hi kum 2010 lio ah khan Pakistan ram ah Islam biaknak cu faktuk in an rak soisel ti ruangah Court nih a konglam rak ceih piak i thongah thlak a rak si.cun cu hnu kum 8 rauh hnu ah cun Islamist pawl hna nih an puh nak cu ningcanglo thil a si ti in thonginn cun an chuah t’han i Islamist pawl hna nih a mah hi thah dingah an timh peng mi a si.
Cun Muslim cleric, Maulana Yousaf Qureshie pawl hna nih cun an mah biaknak chung minung pawl hna sin ah cu Asia Bibi a thattu paoh cu Pakistan phaisa 500,000 pek nan si lai tiah thawngzamhnak a rak tuah.