Kawlram pumpi hlasak zuamnak Myanmar Idol Season 4 ah Judge Audition in Chinmi aa zuammi chungin milung pali hna cu zuamnak ah i zuam nak chungah an i tel kho cuahmah ti kan theih caah kan i lawm hringhran.a mah belte kan Chin miphun hna hi kan vun i conglomh hna rual rual in kan conglomh mi hna nih a luarpar an kan kai hnawh tawn i a rak conglomhtu hna zei rel lo nak ah a hmangmi an um tawn i a poi ngai tawn.
Atutan zuam nak ah a tel kho cuahmah mi hna hi Hakha in Esther Dawt Chin Sung, Kalay in Benjamin Sum le Bawih Zung Kim, Mindat lei in Salai Yaw Kee hna an si.an hlasak ning le an aw phawi ning zoh ah dirpi tha nuam zong an si.an aw zai zong a t’ha hringhran.an hlasak mi hna hi an i khat cio hna lo,a cheu nih Mirang hla an sak lio ah a cheu nih an mah hla phuah mite an sak.an thiam dih.Cun,Mark petu hna nih an uar khun mi hna hi Esther Dawt Chin Sung, Benjamin Sum le Salai Yaw Kee hna an si tiah an chim.
Cun,Kan Chin miphun in a tutan ah hlasak a zuam mi hna chungah hin Esther Dawt Chin Sung hi conglomhtu le thazaang a petu tam bik a ngeitu a si tiah an chim, Kawlram hlasak minthang Yun Lay zong nih Esther Dawt Chin Sung cu thazaang nan pek a si ah cun Idol Winner a cokhotu a si tiahmipi sin ah a chim.
Hi tibantuk in kan Chin miphun chungin zuam nak pakhat khat ah an kan tel piak tik ah pakhat le pakhat thazaang i pek le i dirkamh hi mipi kan rian a si ve.kan mah ti khawh tawk cio in le kan um nak hmun cio in thazaang pek khawh an si.a ho hmanh kan dai thlan awk a si.kan mah le ti khawh tawk in rian kan ngei cio ti hi kan philh lo awk a si.
