Aung La Nsang Nih Tuzan Kan Phomhnak Ah Abu Cun Rak Kan Zoh Hram Hlah Uh Mah Ka Zawn Ah Hin Zoh Khawh Kan Si

Aung La Nsang nih “Nan dam tha cio hna maw? Nan za tein dam dih hram uh tiah duhsaknak kan hlanh hna. One Championship tawlrelnak bantukin October 30 Singapore ram ah Rienner De Hidder he i thongh ding kan si. Middleweight Champion taiawm hmumhimnak ding puai a si i, a ka ngiar nak bantukin kan i thong cang lai. Myanmar ramchung i ummi mipi pawl Middleweight Champion taisam ka humhimnak puai ah thazaang pek le zoh nan duh a si ahcun October 30 zan suimilam 7 ah Skynet Sports 3 le Skynet SportHD ah zoh khawh a si lai.

 


Phone in zoh a duhtu hrangah One Championship official nih tuahmi ONE Championship Application le ONE Championship Youtube Channel ah zoh khawh a si” tiah a facebook cahmai ah a tarlangh.Aung La Nsang nih “Covid-19 thlichia hran lio a si ruangah ngandamnak kha biapi ah chia in mibu cun zoh hna hlah uh. Tutan i thonghnak hi buai pical taktak a si caah lung a rang duh ngai lai, Curuangah kum upa lei le thinlung lei buainak nei pawl nih cun ralring tein nan rak zoh nak lai cah kan duh hna. Nan zatein thazaang nan ka pek nak lai cungah ka lawmtuk” a ti.

 

 

Relchap.Rev. David Ral Thang nih 2020 kum thimnak kong a chimchung Kan ram kong ah Bawipa nih a ka hmuhter mi visions:“Atu cu CNLD caan a si cang”1. Vice President Pu Henry Van Thio kong ka rak chimchung mi.Kum 2015 election lio ah khan Pathian nih Bia a rak ka chimter mi cu hitinhin a si. VP Pu Henry Van Thio cu voi 4 khengte NLD ah i pek ding in ka rak fial. A thaizing Laitlang ah ka kai. “Khah, Pastor pa na lung aa thleng maw? NLD ahcun maw kaa pek tak ko lai,” a ka ti i aa thleng lo e saya. Laitlang ah Airport tuah ding Bawipa nih an fial e ka ti.

Laitlang cu a kai le aa pe i a tling taktak. A tlin hlan zong ah Bawipa nih rian nganpi a tuan lai tiah a ka chimh. Cheukhat nih rian lianpi cu a tlai lai lo. A min a lang lo, an ka ti. Asinain, a tling ko lai, ka ti chih ve hna i a hung tlin taktak tik ah, a si ngai tak, an ti cio.2. CNLD kong Pathian nih a ka hmuhter.2019 kum May thla chung ah Nay Pyi Taw ka phan than. Zarhpini zing ah thawngtha chim ding ka si. A lai zaan ah NLD le Kawl party nih Tlangcungmi cung ah an lungput a thatlo ning cu hitihin Pathian nih a ka hmuhter.

 

 


Atu cu, CNLD thantar a si mi Sia, Vakok le Conlo puan khi zaan ka mang ahcun ka hmuh. Asullam zong ka hngal hna lo. Pumh a dih in tonnak kan ngei hna i VP Pu Henry Van Thio cu ka ngamh nalote in, Saya Kawlrawn ahcun NLD nih teinak nan hmuh hmanh ah Laitlang ahcun NLD nih teinak an hmu lai lo, ka ti. Kawlmi nih Tlangcungmi hna kan sin ah an lungput hi Pathian aa lawm ti lo. CNLD Party simplicity ka hmuh cang.

 

 

Catial ka duh ko nain ka thinlung ah um rih, thil thalo tampi hmuh ding na ngei rih, ti hi ka thinlung ah a um peng ca ah atu lawng ah ka tial mi a si. Thil thalo ka tial lai lo nain Chinmi nih nan hmuh dih ko lai ka zumh.Atu CNLD an hung chuah hnu lawng ah Nay Pyi Taw ka tlawn lio i Bawipa nih a ka hmuhter mi kha ka lung a pem than. Chinmi ca ah Bawipa nih CNLD hi a thawnter cang. Kum 2015 in 2020 tiang Pathian nih a ka hmuhsak mi vision cu a si.

3. CNLD cu;
1. Miphun funtomtu a si lai.
2. Dialect lungput a tlautertu a si te lai.
3. Myone lungput a tlauter te lai.
4. Tlangcung le Nelrawn, ramchung le ramleng a kan funtomtu a si te lai.
Mah hihi Bawipa nih a ka hmuhter mi vision cu a si.

By: Rev. David Ral Thang, Australia
Credit: Hakha Times Daily Newspaper