Holh theihlo maw,Holh dang dah Thiang Thlarau i lakcawng cu a si?Baibal Biakamthar cu Greek holh in an rak t’ial i “Holhtheihlo”ti mi biafang pakhat hmanh a um loh.kan hmuh khawh mi cu “Glossa”ti a si i a sullam taktak cu”tongue or language”tinak khi a si ko.Thiang Thlarau thil pekmi cu language holh a si.Diadadadala ti ah holh theihlo ti phun in au khuan cu holh a si lo.cu bantuk holh hna cu theih khawh le hngalh khawh,cawnpiak khawh a si lo.
Cucaah Laimi holh theihlo cu didadada tibantuk pawl in an holh caah Baibal ning kan zoh ah cun hman dawh a si lo.Thing Thlarau pekmi laksawng si dawh a si lo.kan Lai Baibal chungah holh theihlo ti hi a um ko men lai.kan Lai Baibal hi Good News(TEV) in lehmi a si.Kan Lai Baibal nih cun holh theihlo tiah a leh.asinain hi an lehmi cu Mirang Good News ah cun”Strange tongues”ti tu a si.mah cucu holh dang ti tu in leh awk a si deuh.Unknown ti cu theihlo ti nak a si i Stange ti cu a dang ti nak a si ko.Mizo Baibal nih cun “Tawnghriatlo”a ti caah an i cawn sawhsawh mi a si ko.cucaah Baibal nih a leh ning zoh tik ah nan holh theihlo hi a hman mi si dawh a si lo.
Paul nih a chim mi cu mi pakhat khat nih Holh Theihlo in nan holh a si ah cun a lettu an um a hau,a lettu an um lo ah cun hmang hlah uh tiah a ti.(1 Kor 14:5)Holh dang le miphun dang holh cu leh khawh an si.Dadidalala tiah nan chim mi cu leh khawh a si lo.cucaah ni hin nan holh theihlo cu hman lo mi hna cu a hman lo mi si dawh a si.cun mah hi Zumlotu hna hmelchunhnak a si a ti fawn.a tu nan hman mi nan holh theihlo hna cu khuaruahhar awk zong a um lo.Zumlotu hna tluk naktu a si deuh.
Laimi tampi nih Thiang Thlarau laksawng tiah holh theihlo nan hman mi hi Thiang Thlarau laksawng pekmi a si lo.mah Holh theihlo nan hman mi hi Thiang Thlarau laksawng hei si sehlaw Thiang Thlarau cu mihrut a si hnga.Thiang Thlarau cu pakhat le pakhat i chawnhbiak khawh nak caah pehtleihnak a kan tuahtu a si pin ah a kan cawmpiaktu a si.Holh thiehlo hlasak timi hi Baibal chungah a um balmi a si lo.Baibal chungah a um lo mi paoh cu kan mah nih kan phuahcawp tinak a si.