Aung San Milem Hakha Aphan Cang,Khuachung Mipi Siin Dohdalnak A Um Rua lo

Chin ramkulh Hakha khuapi ah General Aung San milem cu phun ding ti asi tik ah mipi lei in dohdal nak a um lem lo tiah lam le sul lei i Vuanci Pu Sui Thio nih achim.

 

General Aung San milem phunnak ding hmunhma kan ceih cang, khuacuanhnak (suhkhintha) in pehtleihnak lam lei ram ah phun dingin khuabawi hna le ramuk bawi hna he ceih ti asi,arem can ah cun cuka i chiah dingah timhlamh nak aum, General Aung San milem kawng he pehtlaiin dohdal tu an um rua loh,cuhlan ah khan cu ka cun an rak chiah bal,asinain an rak chiah nak hmun cu mipi nih hmuh khawh lo nak hmun a si caah pangpar hmun siam chih an timh tiah Vuanci Pu Sui Thio nih achim.

Hakha i phun dingmi General Aung San milem cu hakha aphan cang,cu milem phunnak ding lam cu Sipin lei in tuanvo lak hlei ah khuanu khuapa zawng nih an telpi hna tiah achim chap.

Zatlang pawlkom ih Salai Jacob Thang cun “Chin ramkulh hrangah cun Panglong Agreement ih hmin rak khengtu minung 3 hi Chin ramkulh hrangah zalennak hruaitu an si, hi minung 3 ih dar zuk lem khal phun ding duh a um, cu lawngah buainak um loin mipi in an cohlang thei ding tiah ka ruat” tiah Aung San ih dar zuk lem thawn pehparin a sim ve.

Chin ramkulh hangah cun Pinlung thiamsan nak in min arak ngei mi minung 3 hi Chin ramkulh hrang ah zalen nak hruaitu an si,hi minung pa 3 nih hin milem zawng phun hna seh law mipi nih an cohlan khawh la tiah ka ruah, tiin Salai Jacob Thang nih a van peh chap.

Chin ramkulh Thantlang khuapi zawng ah khan General Aung San milem cu phun ding in tawlrel nak a rak um bal,asinain Mipi lei in duhlo nak a rak um ruang ah Chin miphun hruaitu nih milem cu phun lo ding in an rak hal hna i an let than.

Ref;Chindwin Media

Author: Salai Ephraim