Aung San Suu Kyi hi cu tlangcungmi a kan leirawltu nakin a kan dawtu, thleidannak ngei lo mi asi hrimhrim lai

Suu Kyi Cingcing Si Ko Lai.Minung a simi paoh cu 100%100 in zumh ding an si thlu lo, asinain Aung San Suu Kyi hi cu tlangcungmi a kan leirawltu nakin a kan dawtu, thleidannak ngei lo mi asi hrimhrim lai timi cu ka zumh bak ko hi kei cu. Ne Win chan hlan i Chin Battalion pawl nih an ka chimh tawn mi cu “Aung San chan lio ah cun thleidannak aum lo, ralkap rank Kai kong ah siseh, miphun kong ah siseh thlendannak aum lo. Ne Win hnu in a kan thek viar i Buddhist asi lomi cu rank zong a kai kho ti lo” a ti. Kawl paohpaoh hi huat ding le zumh lo ding viar an si thlu lem lo.

2008 constitution hmanh remh khawh a si rih Io lio ah tlangcung mi federal le independence pek ding cu mang hmanh ah manh ngam ding asi rih lo. Atu cu Aun San nih Japan an cah deuh lio i Japan sin a tan, Mirang an cak deuh tikah Mirang sin a tan bantuk In kan caah a tha bik dirhmun kan i thim a hau. Kanmah Laimi thengtheng kan ti awk a si rih lo. NLD hmanh nih an remh khawh lomi le an tuah khawh rih lo mi cu zeitindah kanmah nih cun kan tuah khawh chin chin lai?

Nai ah tolre kong hlat ah Lei Um khuahlun ah ka va kal. An timi cu Tolre hi thing thladem a duh ngai. A ttaal tuknak a ttha lo. Cucaah tolre cin hlan ah a dorhtu ding ah hai hna kan cin chung. Hai a hung ngan deuh in kaa cin la kan ti..a ka timi an um. Tolre ba le kung tthatnak caah hai kha an cin chung. Hai kha an duh tuk bia a si lem lo.

CNLD a ba a lianh khawh nakhnga NLD hi cin hmasat deuh rih hau. CNLD hi kan duh, kan ttanh tukmi Party a si. Aba lak awktlak lem lo in a um ahcun a kan cawm kho ttung lai lo le kan Vote le thazaang a vaivuan sual lai phan a um. NLD hi kan vote i teinak a hmuh cun 2008 phunghrampi i hloh kan duhmi Rungrul pi kan hloh cun kan tolre a him deuh suaumau ko la. 2008 phunghram pi a remh khotu party kan herh rih caah NLD kan cinnak a si.. (Ukte).Credit: Josept Van

Author: Salai Ephraim