Australia ram mi hna sin ah ISIS Ralhrang pawl hna nih Lakfa an neihmi hna chungin minung pariat “8” hna cu Syria ram ah a um mi ralzam hna um nak camp in lak an si tiah an chim.hi konghe pehtlai in Australia Prime Minister Scott Morrison nih a chim ningah cun hi kan lak mi hna hi ISIS Lakfa/ Ngakt’ah hna hi an dihlak ah minung pa riat “8”an si.an dihlak te in Australia a cozah tangah rian t’uanmi ” care of Australian “ah chiah le zohkhenh an si cang lai tiah a chim.
Cun Syria ram ah a um mi ralzam hna um nak camp ah lak mi hna hi kum 2 in kum 17 karlak mi an si.Australia cozah nih hi hngakchia minung 7 a lak nak konghe pehtlai in Syria ram ralzam hna le mipem le ralzam dangdang hna nih cun an Fa le hna cu cawktarh ah ser in Australia embassy ah biatak tein um kal nak kongah a rak buaibai mi zong tampi an rak um tiah an chim fawn.cun, Prime Minister Scott Morrison nih cu hi hngakchia kan lak nak hna a ruang cu a hringtu hna an Nu le cu Australia ram mi bak an si pin ah “citizens”an si caah duhthim kho kan si lo tiah a chim.
Australia ram citizens Nu hna nih a tu bantuk in ISIS ralhrang Fa an hrin nak konghe pehtlai in Nu hna cu sual kan phawt hna awk le an cungah dantatnak (thilt’halo)kan pek hna awk a si loh.zeicahtiah an duhlo bu in le an nun nak humhim nak ding caah hi fa hi an hrin mi hna an si i,cucu mipi nih kan hmaizah hna awk le kan Upat hna awktu an si.cun,hi tibantuk in Australia ram citizens Nu hna nih Fa an hrin mi hna cu a si khawh chun in lak khawh le tawlrel piak zong kan i timh lai tiah statement an chuah.
Cun, the care of Australian government officials pawl hna nih a tutan i ISIS Lakfa an lak mi hna cu mi zei hmanh an min langhter an duhlo pin ah Prime Minister Scott Morrison zong nih Statement a chuah mi ah an lakmi hna hngakchia min cu pakhat hmanh a langhter chih lo tiah AustralianBroadcasting Corporation nih a chim.
Source: Middle East
