Australia: Tax return caan a si cang. Ralrin kan hau lai hih!Rammi lawng siloin Australia ram ah tax pek in rian a tuan mi paoh nih tax kan pek mi chung in a kir ding mi hlam caan a si.
Tutan cu ATO (Australia Taxation Office) nih ning cang loin tax a hlam mi pawl ruangah 2017 kum ah hin $1.7 billion kan sung an ti. Tu kum ah $8.7 billions hrawng la kho than ding in timhtuahnak an ngei cang.An i timhtuahnak cu technology siseh, minung si hna seh an hman hna lai. AUD Million 100 an hman cang.
Cucaah, kan nih Chin mi zong ning cang lo tuk le tax return tam deuh a hlam kho deuh mi sin paoh ah tuah ding a si lai lo. Na sining tein tha tein hlam khawh tu i zuam. Inn ngei mi siseh, business tuah mi siseh pumpak riantuan mi cio nih tax kan hlam than tik ah kan hmuh than lio cu a nuam ngai nain ATO nih leiba cawh than mi hnu ahcun ATO mit nih kum 5 an in dawi peng cang lai.Kan miphun dih lak in ralrin deuh kan hau.Sang Hre
Note: Atang ah kan vun chiah mi hna hi Sang Hre Bia roling hna an si. rak rel ve hmanh an t’ha kho taktak.
Nai cawmnak caah tangka hmuh/pek in na tuan mi rian paoh hi rian hmete, rian te nau an um lo. Rian lian, rian ngan lawng te an si.Rian a upat lo mi cu mi thangcho lo mi an si. Zei rian na tuan mi paoh na lungthin dih lak le na thiamnak dih lak in tuan i tim.
Na rian na tuan pah in na phak kho lo ding mi, na fimthiamnak zong nih a tlinh lo mi rian hna khi hngar len hna hlah. Na tuan mi rian te kha nuam te in tuan ko. Fak piin i zuam fawn.Cu ti na tuah ahcun na ngandam lai. Na lungthin a dam lai. A nungmi Pathian zong na hmuh khawh deuh lai.
Nitin Rawl (Daily Bread) Ningcang loin mi hngar hna hlah. Mi na hngar chung paoh cu na chung lei in na zaw peng lai.Mitthli le pawtam lengmang in sianginn kai in degree a hmu mi hna khi awl tuk in soi hna hlah.
Zei tluk rian sang le degree sang na lak zongah na tang um mi hna khi na cil cha lai ci. Nangmah bantuk an cawisang tu an si.Zei hmanh cawncannak na ngei kho lo kha tha tein i hngal ko.
Upa dirhmun thim mi na si caan paoh le cung kai in biachimnak caan tha na hmuh paoh ah fimnak le catang sang kai nak rumro hi doh hlah. Ramthumnak na phaknak ram hna hi cawncannak le fimnak a ngei mi hna nih sak mi ram a si hi philh lai ci.
Credit: Sang Hre
