Australia ram in a rak tlungmi Tluang Za Thang Hnin nih Halkha Sipin pawl hna nih an tuah remh duhlo mi tithu/ti nam mi vialte hna cu an mit hmuh bak ah a thenh piak dih hna.Tluang Za Thang Hnin nun zoh ah hin cawn awk tampi kan nei cio.a bik in Halkha Sipin pawl hna rian t’uan ning fiantaktak in a langhter mi hi uar a um kho taktak.Tluang Za Thang Hnin nih Halkha khuapi chungah a tuah mi hna hi rak rel hmanh?
Australia in a rak tlung mi Tluang Za Thang Hnin hruainak in Hakha mizapi zun-inn le Khualbuk (Pyidaungsu Yeiktha) thianhhlimhnak July 12 ah an tuah.Hi mizapi zunput thianhtu hi Sipin riantuantu an si. Tluang Za Thang Hnin nih an tuan man phalh in a thianhpi hna, tiah kan theih.Hakha cu kan khualipi a si bantuk in a thianhlim ding hi a biapi tuk mi a si. Khua le ram ca ah saduhthah tampi ka ngei ko. Rian ngan pipi ngaingai ka tuan khawh rih lo ca ah mizapi zunput tal hi cu thianh ve ning ka ti ca ah ka thianh mi a si. Atu zunput hi tiang tein a um ahcun khuapi muisam a dawhter.
Ngandamnak ca zong ah a tha. Atu belte hi fihnung tuk a si. Zunte zunnak a si nain zunpi zong an kalchih tik ah a rim a nam, a thurhnawm i fihnung taktak a si. Mizapi ca a si bantuk in a hmangtu zong nih siikaan ngei tein kan hman a herh. Khuallian deuh thumhnak a si mi Pyidaungsu Yeiktha zong zunput zong fih a nung tuk. Khuallian ngeih tik ah zohchia ngaingai a si,” tiah Tluang Za Hnin Thang nih The Hakha Post ah a chim.
Hi kong ah Chin Ramkulh Sipin lutlai hlun, Pu Thla Hre nih, “Pehzulh in thianhhlimh khawh ahcun aa dawh tuk mi a si. Atu bantuk in mino pakhat nih khuaram thancho duhnak thinlung a ngeih mi hi lunglawmhpi awktlak ngaingai a si. Amah Tluang Za Thang Hnin bantuk mino tampi kan herh,” tiah The Hakha Post ah a chim.hi mizapi zunput hi CBCUSA bawmhnak in Hakha khuachung hmun 3 ah sak a si. Pehzulh in thianhlimh a si lo ca ah zunpi zunte, hmunthur dangdang a khat i fihnung in a um ca ah atu bantuk in Tluang Za Thang Hnin hruainak in an thianh mi a si, tiah kan theih.
Credit: Chinworld Website
https://www.facebook.com/thehakhapost/videos/2269148113345456/?t=1
Video link credit the hakha post